د روزګان ځایي چارواکي وایي، چې د دغه ولایت د مرکز ترینکوټ اړوند د سرخولیز سرې اډې له صفري نقطې څخه ترخاص روزګان ولسوالۍ پورې د غځېدلي ۸۰ کیلومتره سړک د لومړۍ برخې د رغولو چارې پیل شوې دي. د یاد ولایت د ټولګټو رییس مولوي آدم جان نعماني رسنیو ته ویلي، چې د یاد سړک لومړی فاز ۲۵ کیلومتره اوږدوالی او ۱۲.۳۰ متره سور لري، چې د مرکز ترینکوټ، چنارتو او خاص روزګان ترمنځ مهمه لاره ده چې چارې یې د ۶۰۰ میلیونه افغانیو په لګښت د یو شمېر دولتي چارواکو په شتون کې پیل شوې دي.
