د متحده عربي اماراتو، ترکیې، مصر، اردن، اندونیزیا، پاکستان، سعودي عربستان، او قطر د بهرنیو چارو وزیرانو په یوه ګډه اعلامیه کې په غزه کې د اسرایيلو له لوري د اوربند پرلپسې نقض غندلی. د بهرنیو رسنیو د راپورونو له مخې، هغوی د ملکي وګړو شهیدانول او د بریدونو دوام په اړه اندېښنه ښودلې، په غزه کې د تلپاتې اوربند، د غزې د بیا رغونې او د فلسطینیانو د برخلیک ټاکلو د حق غوښتنه یې کړې. د الجزیرې د راپور له مخې، د غزې د اوربند له پیل راهیسې اسراییلو لږ تر لږه ۵۰۹ فلسطینیان شهیدان او ۱۴۰۵ نور یې ټپیان کړي دي.
