د راپورونو له مخې د هسپانیې حکومت اعلان کړی، چې د ایران او سیمې د خورا ناوړه وضعیت په پام کې نیولو سره ایران ته د هېڅ ډول سفر سپارښتنه نه کوي. دغه راز، حکومت د هغو هسپانوي وګړو لپاره چې اوس په ایران کې دي، سپارښتنه کړې چې د موجوده امکاناتو په کارولو سره هېواد پرېږدي. د یوبل خبر له مخې د برېتانیا د بهرنیو چارو وزارت بیا خپلو وګړو ته خبرداری ورکړی، چې پرته له اړتیا دې اسراییل ته له غېر ضروري سفرونو ډډه وکړي.
