د تایلېنډ په شمال ختیځ کې پر یوه مسافر وړونکي اورګاډي د ودانیز کرینګ د را لوېدو له امله ۲۲ تنه مړه شوي او ۸۰ تنه نور ټپیان دي. د الجزیرې د راپور له مخې، دغه پېښه نن سهار مهال د دې هېواد په ناخون راتچاسیما ولایت کې رامنځته شوې ده. په راپور کې ویل شوي چې دغه اورګاډی د ټایلنډ له پلازمېنې څخه د اوبون راتچاتاني ولایت پر لور روان و. تایلېنډي چارواکو ویلي، چې د یادې پېښې ټپيان نږدې روغتونونو ته لېږدول شوي دي.
