د کډوالۍ نړیوال سازمان ( ای او ایم ) پر خپله اېکس پاڼه لیکلي، چې له افغان راستنو شویو یې ملاتړ کړی او هغوی ته په افغانستان کې کاري بوختیاوې برابروي. یاد سامان ویلي، چې د جاپان په مرسته په ننګرهار کې راستانه شوي له محلي بوختیاوو سره نښلول شوي او له نویو کاري بوختیاوو برخمن کېږي. ملګرو ملتونو زیاته کړې چې دا له راستنو شویو سره مرسته کوي چې نوي مهارتونه زده کړي او هممهاله په افغانستان کې د محلي تولید شوې مربا، جوس او اچارو تولید زیات کړي. دا په داسې حال کې ده، چې تردې وړاندې د کډوالۍ نړیوال سازمان اعلان کړی و چې په ۲۰۲۵ کال کې د دغه سازمان د پذیرش او ترانزیت په مرکزونو کې څه باندې ۵۶۸ زرو راستنو شویو کډوالو بشردوستانه خدمات ترلاسه کړي دي.
