په کابل کې د ایران سفارت خبر ورکړی، چې د دغه سفارت چارسمبالي د افغانستان د کرنې وزارت له لوړپوړو چارواکو او د کرنې او مالدارۍ خونې له غړو سره کتلي دي. سرچینې ویلي، چې ایران د افغانستان له کرنیز سکتور سره اوږدمهاله همکاریو ته ژمن دی او ژر به د دواړو هېوادونو ترمنځ د نباتاتو د ساتنې تړون هم لاسلیک شي. د سرچینې د مالوماتو له مخې، د افغانستان کرنیز محصولات او وچه مېوه د ایران او سیمې په بازارونو کې ښه اقتصادي ارزښت لري. دغه راز کابل کې د ایران تجارتي اتشې ژمنه کړې، چې د ایراني شرکتونو او افغان پانګهوالو ترمنځ به د سوداګرۍ د پیاوړتیا په برخه کې اسانتیاوې برابرې کړې دي.
