د کډوالو د ستونزو عالي کمېسیون راپور ورکړی، چې په وروستیو ۲۴ ساعتونو کې ټولټال شپږ زره او ۵۳۲ افغان کډوال د ایران او پاکستانه په جبري ډول هیواد ته راستانه کړل شوي دي. یاد کمېسیون ویلي، چې ستانه شوي افغانان د هېواد له څلورو مهمو لارو اسلامقلعه د ورېښمو پُل، سپینبولدک او تورخم څخه داخل شوي دي. د یاد کمېسیون د مالوماتو له مخې، د ستنېدونکو له یوې برخې سره د نغدو پیسو مرستې، بنسټیز خوراکي توکي او د لومړنیو روغتیایي خدمتونو اسانتیاوې برابرې شوې دي.
