مالیې وزارت ویلي، چې نړۍوال بانک په افغانستان کې د ځنډېدلو پروژو مالي تصفیه پیل کړې او نږدې ۴۵ میلیونه ډالر به هغو قراردادي شرکتونو ته ورکړي، چې اسناد یې د ا.ا تر واکمنېدو مخکې بشپړ شوي وو. دغه وزازت زیاته کړې، چې تر دې دمه ۹.۳ میلیونه ډالر بهرنیو شرکتونو ته ورکړل شوي او ۱۶.۸ میلیونه ډالر د مالیې وزارت له لارې وېشل کېږي. یاد وزارت ویلي، چې پاتې پیسې به هم په درېیم او څلورم پړاو کې ورکړل شي. مالیې وزارت دغه پرمختګ د اسلامي امارت د هڅو او اغېزمنې همغږۍ پایله بللې ده.
