د لوګر او پکتیا ترمنځ د ۷۶ کیلومتره سړک د ترمیم چارې نن د ځایي مسوولینو له لوري پیل شوې. د لوګر ولایت مقام د رسنیو دفتر ویلي، چې یاده پروژه د ټولګټو چارو وزارت له لوري د ۱۷میلیونه افغانیو په ارزښت پلي کیږي، چې په دوو میاشتو کې به بشپړه شي. د لوګر مرستیال والي محمدانور دین پرور د دغې پروژې هرکلی کړی او ټینګار یې کړی، چې د ملي شتمنیو ساتنه د ټولو مسوولیت دی. دغه راز د لوګر د ټولګټو چارو رییس جنت ګل سراج ویلي، هڅې روانې دي چې په راتلونکو ورځو کې نورې پروژې هم د یاد ریاست لهخوا پلې شي.
