د مالیې وزارت په یوه خپره کړې خبر پاڼه کې ویلي، چې د تقاعد د ورکړې درېیم پړاو پیل شوی او په دې پړاو کې به د سرحدونو او قبایلو چارو، کلیو بیارغونې او پراختیا، حج او اوقافو وزارتونو او د دفاع وزارت د جنرالانو د تقاعد شویو کسانو معاشونه ورکړل شي. د مالې وزارت د مالوماتو له مخې دا پروسه به د لړم میاشتې له ۵ څخه تر ۲۰ پورې په نوبت سره ورکړل شي. په خبر پاڼې پر بنسټ د دې څلورو وزارتونو تقاعد شوي کسان باید د خپلو معاشونو د تادیې پروسې بشپړولو لپاره په ټاکل شویو نېټو کې د تقاعد د خزانې عمومي ریاست ته مراجعه وکړي.
