د لوګر په مرکز پلعلم او څلورو ولسوالیو کې د پنځه روغتیايي مرکزونو لپاره نوې ودانۍ جوړې او ګټې اخیستنې ته وسپارل شوې. دغه ودانۍ د ملګرو ملتونو په مالي مرسته، د ۵۰۰ زره امریکایي ډالرو په لګښت جوړې شوي دي. د لوګر د عامې روغتیا رییس سیدالرحمن قادري وايي، دا روغتیايي مرکزونه په پلعلم، څرخ، خروار، برهکيبرک او خوښۍ ولسوالیو کې جوړ شوي او موخه یې له روغتیايي خدمتونو بېبرخې سیمو ته رسېدنه ده. نوموړي زیاته کړه، چې د دغو مرکزونو له لارې به شاوخوا ۱۵ زره کورنیو ته اساسي روغتیايي خدمات برابر شي. په همدې مناسبت جوړه شوې غونډه کې د عامې روغتیا سرپرست وزیر نورجلال جلالي هم وویل، چې دا ودانۍ په هغو سیمو کې جوړې شوې دي چې خلک یې تر دې مخکې روغتیايي مرکزونو ته لاسرسی نه درلود.
