د غزني ولایت د سردې بند په سیمه کې د ۷۰۰ زره امریکایي ډالرو په پانګونه د یوه تفریحي پارک د جوړولو چارې پیل شوې. اوبو او انرژۍ وزارت وایي، چې دا پارک پر ۱۰۰ جریبه ځمکه جوړیږي. د یوه بل خبر له مخې د اوبو او انرژۍ وزیر عبداللطیف منصور په پکتیکا ولایت کې د پلتوني بند پروژې د چارو له بهیر څخه د لیدنې پرمهال د دې بند د رغنیزو چارو پر چټکتیا ټینګار کړی دی. د چارواکو په خبره پلتوني بند به د چارو تر بشپړېدو وروسته د ۲۵ ميليونه متره مکعب اوبو د زېرمه کولو او د نږدې يو مېګاواټ برېښنا د توليد وړتيا ولري.
