ایسنا خبري اژانس راپور ورکړی، چې د ایران د کډوالو چارو مرکز رییس نادر یاراحمدي له افغان ماشومانو او مېرمنو د ملاتړ په موخه په ایران کې د یونیسف له استازې مونیکا اولدزکا نیلسن سره هوکړه لاسلیک کړې ده د راپور له مخې، یاراحمدي پرون د غبرګولي پر ۲۰مه ویلي چې دا هوکړه د ژوند شرایطو ښه کولو او زیانمنوونکو لپاره د غوره فرصتونو د چمتو کولو پر لور مهم ګام دی. نوموړي ټينګار کړی چې هیله لري دواړه خواوې د ماشومانو او مېرمنو د ستونزو هواري لپاره ځانګړې پاملرنه وکړي. هغه په ایران کې د کډوالو ماشومانو اندېښمنوونکي وضعیت ته په اشارې زیاته کړې چې له کډوالو سره د مخامخو لیدو په پایله کې د کډوالو، بې ځایه شویو او ماشومانو وضعیت ډېر اندېښمن کړی دی.
