د لوګر ولایت د اطلاعاتو او فرهنګ ریاست مسوولین وایي چې روان کال د دغه ولایت په مرکز پلعلم او ولسوالیو کې ۳۷زره کسانو له لرغونو او تفریحي سیمو لیدنه کړې ده. د مسوولینو په خبره ډېری سیلانیانو د لوګر د څرخ ولسوالي له مولانا یعقوب څرخي، د خوښۍ ولسوالي له ابتک اوبو بند، د محمداغې ولسوالي له سرخاب اوبو بند او واغجان تفریحي سیمي، د مرکز پلعلم له میر ابدل تاریخي او تفریحي سیمې او همدارنګه د ازرې ولسوالي له لرغونو او تفریحي سیمو څخه لیدنې کړي دي.
