کابل ښاروالۍ پر خپله اېکس پاڼه لیکلي، چې د کابل ښار اړوند ۱۵مې ناحیې له بازارونو څخه یې ۲.۵ټنه بې کیفیته توکي راټول کړي دي. سرچینې د یوې خبرپاڼې په خپرولو سره ویلي چې ۱۵ ناحیې د مسوولینو له لوري له بازارونو څخه د څارنو په لړ کې ۲زره ۵۰۰کیلو ګرامه بې کیفیته خوراکي او غیر خوراکي توکي چې، د مصرف نېټه یې هم پای ته رسېدلې وه راټول او د له منځه وړلو په موخه ټاکلي ځای ته لېږدول شوي دي. په خبرپاڼه کې د یادې ناحیې د مسوول له قوله ویل شوي، چې په دې توکو کې شیدې، ملايي، مکروني، بیسکویت، د لوبیا او نخودو کنسرو، د مینځلو او څښاک توکي شامل دي.
