د ننګرهار د کلیو د بیارغونې او پراختیا رییس قسمت الله مبارز وايي، چې د دغه ولایت په ۱۷ ولسوالیو کې د یونیسف په مالي ملاتړ د ۱۲۰ میلیونه ۴٢٨ زره ١١٥ افغانیو په لګښت د پاکو اوبو ۲۲ شبکې جوړېږي. یادې شبکې د اچین، نازیان، خوږیاڼو، حصارک، پچیراګام، بټي کوټ، شینوارو، سپین غر، مومندره، دوربابا، چپرهار، کوټ، رودات، ګوشتې، سرخرود، دره نور او بهسود ولسوالیو کې پلي کیږي. مبارز زیاته کړې، چې د دغو شبکو په بشپړېدو سره به ۹ زره کورنۍ له پاکو اوبو څخه برخمنې شي.
