ای ډي: 8408486
نېټه: د دسمبر 18، 2024
ځای: چین
موده: ۵۹ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-12-18 04:40
وروستی سمون: 2024-12-18 04:43
بشپړ خبر
د راپورونو له مخې، د چین مرستیال ولسمشر هان ژینګ د چهارشنبې په ورځ په پلازمېنه بیجینګ کې د هند د ملي امنیت له سلاکار اجیت دوال سره وکتل او پر خپلمنځي اړیکو یې خبرې اترې وکړې.
هان ژینګ په دې کتنه کې وویل، چې چین او هند د لرغونو تمدنونو او مخ پر ودې لویو قدرتونو په توګه په خپلواکۍ، یووالي او همکارۍ ټینګار کوي، کوم چې د نړیوالې اغېزې او ستراتیژیک اهمیت لري.
نوموړي د دې په یادولو سره چې راتلونکی کال به د چین او هند ترمنځ د دیپلوماتیکو اړیکو د ټینګښت ۷۵مې کلیزې سره برابره وي، وویل، چې دواړه خواوې باید د دواړو هېوادونو د مشرانو تر منځ د هوکړو پلي کولو ته ژمن پاتې شي، د لوړې کچې اړیکې وساتي، سیاسي باور پیاوړی کړي او په تدریجي ډول د اقتصاد، سوداګرۍ او کلتور په برخو کې خبرې اترې او همکارۍ بېرته پیل کړي، څو اړیکې باثباته پرمختګ ته راوګرځي.
په دغه کتنه کې د هند د ملي امنیت سلاکار اجیت دوال وویل، چې د پنځو کلونو وروسته د دواړو هېوادونو د ځانګړو استازو ترمنځ د سرحدي مسئلې په اړه خبرې بیا پیلول د دواړو هېوادونو د مشرانو لخوا د شوي توافق د پلي کولو لپاره یو مهم ګام دی او د دوه اړخیزو اړیکو د پرمختګ لپاره ستر اهمیت لري.
هغه دغه راز زیاته کړه، چې هند غواړي له چین سره خپلې ستراتیژیکې اړیکې پیاوړې کړي، همداشان دوه اړخیزې ګټورې همکارۍ پراخې کړي او د دوه اړخیزو اړیکو د پرمختګ لپاره نوې هڅې وکړي.
