ایران-سوریه/ سوله ییز لیږد
ای ډي: 8408370
نېټه: د دسمبر 17، 2024/وروستی
ځای: ایران
موده: یوه دقیقه او نهه څلویښت ثانیې
سرچینه: (CCTV) او (CGTN)
محدودیتونه: د چینايي وګړو لپاره نه ده
خپور شوی: 2024-12-17 17:21
وروستی سمون: 2024-12-17 18:17
بشپړ خبر
د ایران د بهرنیو چارو وزارت ویاند اسماعیل بقایي ویلي دي، چې ایران هیله لري سوریه په سوله ییز ډول بدلون ومومي او داسې حکومت رامنځته شي چې د ټولو سوریایانو استازیتوب وکړي.
بقایي چې د تهران په اونیزې خبري ناسته کې یې خبرې کولې دغه راز وویل “سوریه د بدلون په یوه پړاو کې ده او هیله لرو چې دا بدلون په سوله ییزه توګه ترسره شي، د سوریې وګړو امنیت خوندي شي، او د هېواد ملي یووالی وساتل شي. موږ همداراز غواړو سوریه کې داسې یوه ټول شموله حکومت جوړ شي چې د سوریې د ټولو ډلو استازیتوب وکړي.”
نوموړي په سوریه کې د ایران د سفارت د بیا پرانیستلو په اړه وویل، چې د دې پروسې د پرانیستلو لپاره باید ځینې شرایط پوره شي، چې پکې د سفارت او د هغه د کارکوونکو امنیت خوندي کول شامل دي.
ښاغلي بقایي دغه راز اسرائيل په دې تورن کړل چې د سوريې له کړکېچن حالت څخه په ګټې اخيستنې سره یې پر دغه هېواد پوځي عملیات ترسره کړي.
هغه ټینګار وکړ چې ایران به د نړیوالې ټولنې سره همکاري وکړي څو د اسرائیل بریدونه ودرول شي. همدارنګه، د ایران وسله وال ځواکونه به د خپل هېواد د حاکمیت او سرحدي خوندیتوب د ساتنې لپاره هېڅ هڅه ونه سپموي.
د یادونې وړ ده چې د حیات التحریر الشام په مشرۍ وسله والې ډلې د تیرې نومبر میاشتې په ۲۷ مه نېټه د سوریې له شمالي سیمو څخه یو لوی پوځي عملیات پیل کړل. دوی د حکومت تر کنټرول لاندې جنوبي سیمو کې پراخ بریدونه وکړل او یوازې په ۱۲ ورځو کې یې دمشق ونیو.
له دغو بریدونو وروسته د سوریې د ولسمشر بشار الاسد حکومت سقوط وکړ. بشار الاسد استعفا ورکړه او د پناه اخیستو لپاره روسیې ته وتښتېد.
