د چین-متحده عربي اماراتو د اړیکو کلیزه
ایډي: 8406093
نېټه: د نومبر 30، 2024
ځای: چین
موده:۵۵ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-12-01 01:43
وروستی سمون: 2024-12-01 04:08
بشپړ خبر
د راپورونو له مخې ویل کېږي، چې د متحده عربي اماراتو سفارت په چین کې د دواړو هېوادونو ترمنځ ډیپلوماتیکو اړیکو د ټينګېدو څلوېښتمه کلیزه په ځانګړو مراسمو سره ترسره کړه.
په چين کې د متحده عربي اماراتو سفیر حسین بن ابراهیم الحمادي دې غونډه ته په وینا کې وویل، چې د متحده عربي اماراتو او چین ترمنځ اړیکې قوي او ثابتې دي. هغه زیاته کړه چې د دواړو هېوادونو ستراتیژیک شراکت د متقابل باور، درناوي او د یو غوره راتلونکي لپاره ګډو هیلو پراساس ولاړ دی.
نوموړي دغه راز وویل، چې د دواړو هېوادونو ترمنځ غیر نفتي سوداګري د روان کال په لومړۍ نیمایي کې تر ۵۰ میلیارده امریکايي ډالرو ورسېده او تمه ده چې د ۲۰۲۴ کال تر پایه به ۱۰۰ میلیارده ډالرو ته ورسېږي. هغه زیاته کړه چې چین د متحده عربي اماراتو تر ټولو لوی او متحده عربي امارات د چین تر ټولو لوی غیر نفتي سوداګریز شریک دی.
د ۲۰۱۸ کال په جنوري کې متحده عربي امارات د منځني ختیځ لومړنی هېواد شو چې له چین سره یې د بشپړې ویزې معافیت تړون لاسلیک کړ. دې تړون دواړو هېوادونو ته د سفرونو اسانتیا برابره کړه. وروسته، په همدې کال په جولای میاشت کې دواړو هېوادونو هراړخیزه ستراتیژیکه ملګرتیا هم د یوه تړون په چوکاټ کې جوړه کړه.
د راپورونو پر اساس ویل کېږي، چې چینایي شرکتونو په متحده عربي اماراتو کې د ریل پټلۍ، د لمریزې برېښنا سټیشنونه، د سمندري اوبو مالګې لرې کولو پروژې، روغتونونه او نورې پروژې پلې کړې چې هدف یې د ځایي خلکو د ژوند د ښه کولو پراختیا ده.
د یادونې وړ ده چې متحده عربي امارات د ۲۰۲۴ کال د جنورۍ په ۱ مه نېټه برېکس سازمان رسمي غړی هم شو.
