ایډي: 8405877
نېټه: د نومبر 29، 2024
ځای: چین
موده: یوه دقیقه او یولس ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 29-11-2024 06:25
وروستی سمون: 29-11-2024 06:29
بشپړ خبر
د ملي فکري مالکیت ادارې د راپور له مخې، د روان ۲۰۲۴ کال د اکتوبر میاشتې تر پای پورې په چین کې د اختراعاتو فعال حقوقي اسنادو شمېر ۴.۶۶ میلیونه ته رسېدلی دی، چې د دې هېواد د علمي او تخنیکي پرمختګ پراخه څرګندونه کوي.
د یادې ادارې په وینا، چین په نړۍ کې لومړنی هېواد دی چې له ۴ میلیونو څخه زیات فعال اختراعي حقوق لري.
د دغې ادارې ویاند هنګ فوګوانګ په پلازمېنه بېجينګ کې د یوې خبري ناستې پر مهال له رسنیو سره په خبرو کې وویل چې چین د فکري مالکیت د ښې استفادې لپاره پراخې هڅې کوي. هغه زیاته کړه، دا لومړی ځل دی چې چین د پوهنتونونو او نورو څېړنیزو بنسټونو څخه د ۱.۳ میلیونو څخه زیات اختراعي اسناد راټول کړي او یوه سرچینه کتابتون یې ترې جوړ کړی دی، چې د بدلېدونکو اختراعي اسنادو ذخیره پکې شامله ده.
نوموړي وویل، چین په پراخه کچه د اختراعاتو (اختراعي اسنادو) پراساس صنعتونو ته وده ورکړې ده. د دې صنعتونو ارزښت ۱۵.۳۲ تریلیونه یوانو (چې شاوخوا ۲.۱۲ تریلیونه امریکایي ډالر کېږي) ته رسېدلی، چې د تېر کال په پرتله ۷.۱ سلنه زیاتوالی ښیي. دغه صنعتونه اوس د چین د ګډو ملي تولیداتو ۱۲.۷ سلنه برخه جوړوي.
دغه راز ویل کېږي چې د دې کال په لومړیو درې ربعو کې د دغه هېواد په پوهنتونونو او څېړنیزو بنسټونو کې د اختراعاتو جوازونه ۳۸,۰۰۰ ته ورسېدل، چې د تېر کال په پرتله یې ۲۴.۱ سلنه وده کړې ده.
د ملي فکري مالکیت ادارې د راپور له مخې، د اختراعاتو او سوداګریزو نښو د تضمین په توګه د مالي ملاتړ ټول ارزښت له ۷۹۲ میلیارده یوانو څخه اوښتی، چې د تېر کال په پرتله ۶۰٪ زیاتوالی ښیي. په ورته وخت کې، د فکري مالکیت د ګمرکي عایداتو ټول ارزښت له ۳۰۷ میلیارده یوانو څخه زیات شوی، چې د تېر کال د ورته مودې په پرتله ۷.۲٪ زیاتوالی لري. په حقیقت کې دا ټول ارقام یو تاریخي ریکارډ جوړوي.
