د چین موټرو صادرات / شانګهای
ایډي: 8405496
نېټه: د نومبر 25، 2024
ځای: چین
موده: یوه دقیقه او شپږ دیرش ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 27-11-2024 05:44
وروستی سمون: 2024-11-27 05:48
بشپړ خبر
د معلوماتو له مخې، د شانګهای بندرونو په لومړيو لسو میاشتو کې ۲.۰۱۳ میلیونه وسایل صادر کړي چې د تېر کال په پرتله پکې ۲۸.۸ سلنه زیاتوالی راغلی دی.
د شانګهای ښار د موټرو صادراتو شمېر دوه میاشتې مخکې له تېر کال څخه دوه میلیونو موټرو ته ورسېد. د دې لوی ښار د موټرو صادرات د چین د ټولو صادراتو شاوخوا ۳۸.۱ سلنه برخه جوړوي.
د دې موټرو څخه ۸۷۲،۰۰۰ یې برېښنایي مسافر وړونکي موټرونه وو، چې د تېر کال د همدې مودې په پرتله ۴۴.۳ سلنه زیات شوي دي.
د شانګهای بندرونو د ګمرکي معلوماتو له مخې، د جنورۍ څخه تر اکتوبر پورې ۱.۰۴۸ میلیونه موټر د کمربند او لارې پروژې سره اړوند هېوادونو ته، ۵۳۲،۰۰۰ موټر د برېکس هېوادونو ته او ۷۸۰،۰۰۰ موټر د ایپېک اقتصادي سیمو ته صادر شوي دي، چې په هره برخه کې د تېر کال په پرتله ښه پرمختګ لیدل شوی دی.
ویل کېږي د شانګهای بندرونو د موټرو صادرات به د پیرو چانکای بندر د پرانیستې سره نور هم زیات شي. چانکای بندر، چې د چین د کمربند او لارې د پروژې یوه مهمه برخه بلل کېږي، د روان ۲۰۲۴ کال د نومبر مياشتې پر ۱۴ مه نېټه خپل فعالیت پیل کړ.
د یو رو-رو (رول آن/رول آف) په نوم کښتۍ چې ۲۷۳۰ چینایي تولید موټر یې بار کړي و، د شانګهای ویګاوکیاو بندر د هایټونګ توقف ځای څخه د دوشنبې په ورځ روانه شوه او چانکای بندر ته یې خپل لومړنی سفر پیل کړ.
د راپورونو له مخې، یاده کښتۍ د چین د “کوسکو ترانسپورتي شرکت” اړوند ده، چې په شانګهای کې مېشته د بحري ترانسپورتي خدمتونو چمتو کوونکې کمپنۍ هم ده. دغه شرکت په پام کې لري چې له شانګهای څخه چانکای بندر ته هره میاشت منظم ترانسپورتي خدمتونه ترسره کړي.
د یادونې وړ ده چې ویګاوکیاو بندر د شانګهای د نقلیه وسایطو صادراتو ۵۳ سلنه برخه ترسره کوي، چې د چین د ټولیزو موټرو صادراتو له ۲۰ سلنې څخه ډېره برخه جوړوي.
