د چین لومړی وزیر/هالنډ
ایډي: 8405601
نېټه: د نومبر 27، 2024
ځای: چین هالنډ
موده: ۴۱ ثانیې
سرچینه: (CCTV)او (CGTN)
محدودیتونه: د چینايي وګړو لپاره نه ده
خپور شوی: 27-11-2024 04:46
وروستی سمون: 2024-11-27 05:33
بشپړ خبر
د چین لومړي وزیر لي چيانګ د چهارشنبې په ورځ د هالنډ له لومړي وزیر ديک شوف سره د ټلیفوني خبرو پر مهال ویلي چې چین د متقابلو ګټو پر اصولو د عمل په ترڅ کې له هالنډ سره د اقتصادي او سوداګریزو راکړو ورکړو د پراختیا لپاره چمتو دی، څو دواړه هېوادونه ګډه ګټه ترلاسه کړي او اړیکې لا نورې هم پیاوړې شي.
نوموړي له خپل هالنډي سیال سره په ټلیفوني خبرو کې څرګنده کړې چې په وروستیو کلونو کې د دواړو هېوادونو د مشرانو تر لارښوونې لاندې د چین او هالنډ اړیکې په چټکۍ سره پراخې شوې دي چې دغه اړیکې د بېلابېلو برخو په همکارۍ کې د پراختیا لامل شوې دي او د دواړو ملتونو لپاره یې حقیقي ګټې رسولې دي.
هغه وويل، چین چمتو دی چې د هالنډ له نوي حکومت سره نږدې اړیکې وساتي او د دواړو هېوادونو ترمنځ د مثبت پرمختګ د دوام لپاره ګډ کار وکړي.
ښاغلي لي دغه راز وویل، چې د چين او هالنډ ترمنځ د اړيکو له پرمختګ څخه د عملي کېدو ارزښتناکه زده کړې ترلاسه شوې دي. هغه زیاته کړه چې هېواد یې چمتو دی چې د هالنډ سره نږدې لوړ پوړې اړیکې وساتي، خبرې اترې پیاوړې کړي او د سیاسي متقابل باور د ټینګښت لپاره کار وکړي، څو د دوه اړخیزو اړیکو د پراختیا لپاره یو قوي بنسټ برابر کړي.
په ورته وخت کې د هالنډ لومړي وزیر ديک شوف ویلي چې د هالنډ حکومت په کلکه د یوه چین پېژندې د اصل ملاتړ کوي.
شوف ویلي چې هالنډ تیار دی چې د چین لپاره د اروپا سره د همکارۍ یوه دریڅه شي. هغه زیاته کړه چې هېواد یې هیله لري په اقتصادي، سوداګریزو او نورو برخو کې همکاري لا نوره هم پیاوړې کړي.
