چین،د بهرنیو چارو وزیر، لبنان
ای ډي: 8396246
نېټه: د سپټمبر 23، 2024
ځای: بېلابېل ځایونه
موده:۵۷ ثانیې
سرچینه: د چین مرکزي تلویزیون (CCTV)
محدودیتونه: د چینايي وګړو لپاره نه ده
خپور شوی: 23-09-2024 20:38
وروستی سمون: 2024-09-24 02:41
د ملګرو ملتونو مرکزي دفتر، نیویارک ښار – د سپتمبر 23، 2024 (CCTV) د چینايي وګړو لپاره نه ده
بشپړ خبر
د چين د بهرنيو چارو وزير وانګ يي په نيويارک کې د لبنان د بهرنیو چارو له وزیر عبدالله بو حبيب سره د ليدنې پر مهال ویلي، چې هیواد یې د لبنان د ملي حاکميت، امنيت او ملي کرامت په ساتلو کې ددغه هیواد ټینګ ملاتړ کوي.
وانګ یي د یادې لېدنې پر مهال ویلي، چې له لبنان سره د اوږدې مودې دوديزې دوستۍ په لرلو سره په سيمه کې وروستی کړکیچ په ځانګړې توګه د مخابراتي وسايلو وروستۍ چاودنې له نږدې څاري او د ملکي وګړو پر ضد له بې توپيره بريدونو سره سخت مخالفت کوي.
ښاغلي وانګ یي وويل، چې له خپل ځواک څخه کار اخیستل به په منځني ختيځ کې ستونزې هوارې نه کړي. هغه پر دې ټينګار وکړ چې هیواد یې د هر هغه عمل په کلکه غندنه کوي چې د نړيوالو اړيکو له بنسټيزو اصولو څخه سرغړونه کوي.
نوموړي وویل، چې په غزه کې اوسنی وضعیت د شخړو د پراخیدو اغیزې څرګندوي. هغه زیاته کړه،چې چین د دایمي اوربند او له غزې تړانګې د اسراییلي ځواکونو د بشپړ وتلو او همدارنګه د “دوه دولتی حل” د اغیزمن تطبیق غوښتنه کوي.
وانګ يي هيله څرګنده کړه چې لبناني لوری به په خپل هیواد کې د چينايانو د خونديتوب لپاره اغېزمن تدبيرونه ونيسي.
په ورته مهال د لبنان د بهرنیو چارو وزیر عبدالله بو حبيب له چين څخه مننه وکړه چې په ملګرو ملتونو او نورو څو اړخيزو غونډو کې يې د لبنان په ملاتړ خبرې کړې دي.
بوحبیب وویل چې د لبنان په شان د یوه کوچني هیواد لپاره د ملګروملتونو په چوکاټ کې د خپل حاکمیت او خپلواکۍ ساتل مهم دي.
