د ملګرو ملتونو-اسراییل/الجزیرې دفتر/تړل
ایډي: 8396091
نېټه: د سپتمبر 22، 2024
ځای: بېلابېل
موده: ۵۸ ثانیې
سرچینه: (CCTV) او (CGTN)
محدودیتونه: د چینايي وګړو لپاره نه ده
خپور شوی: 2024-09-22 13:24
وروستی سمون: 2024-09-22 15:36
د ملګرو ملتونو مرکزي دفتر، نیویارک ښار – نېټه نامعلومه (CCTV) د چینايي وګړو لپاره نه ده
بشپړ خبر
د ملګرو ملتونو عمومي منشي سټیفن دوجاریک د یکشنبې په ورځ وویل چې ملګري ملتونه د اسراییلو لخوا په اشغال شوې لوېدیځه غاړه کې د الجزیرې شبکې د دفتر تړلو په اړه ژوره اندېښنه څرګنده کړې ده.
ښاغلي دوجاریک دا څرګندونې د چین مېډیا ګروپ (CMG) د خبریال د یوې پوښتنې په ځواب کې کړې دي.
نوموړي ویلي، موږ ډېر اندېښمن یو چې د نړۍ په هر ګوټ کې په ځانګړې توګه په جګړه ځپلو سیمو کې د رسنیو دفترونه تړل کېږي، خبریالان د نړۍ سترګې او غوږونه دي. دوی د نړۍ سره مرسته کوي چې خلکو ته وښیي چې څه پېښېږي، او دوی باید له ځورونې او یا بل هر ډول خنډ پرته خپله دنده ترسره کړي.
دا په داسې حال کې ده چې اسراییلي سرتېرو د یکشنبې په سهار د لوېدیځې غاړې په رام الله کې د یوې ژوندۍ خپرونې پر مهال پر دغه دفتر ورننوتل، او کارکوونکو ته یې د ودانۍ د خالي کولو امر وکړ چې د ۴۵ ورځو لپاره دې دفتر وتړل شي.
له هغه وروسته الجزیرې په خپل عربي چینل یو ویډیويي کلیپ خپور کړ، چې وسله وال سرتېري ښیي چې په درنو وسلو سمبال او ماسکونه يې اغوستي دغه دفتر ته ننوځي او د بندولو فرمان یې صادروي.
د اسراییلو پوځ ویلي چې دغه دفتر یې ځکه تړلی چې د ترهګرۍ د هڅولو او د ترهګریزو فعالیتونو د ملاتړ لپاره کارول کېده.
په ورته مهال الجزیرې د یوې اعلامیې په خپرولو سره دا تورونه رد کړي او په خپل دفتر کې یې د اسراییلو جنایتکارانه عمل غندلی او له اسراییلي حکومته یې غوښتي چې د خبریالانو د خوندیتوب مسوولیت دې په غاړه واخلي.
له دې سره هممهاله د فلسطین د خبریالانو اتحادیې د یکشنبې په ورځ د یوې اعلامیې په خپرولو سره د اسراییلو دا کړنه د سیمه ییز ژورنالیزم او رسنیو د سازمانونو په وړاندې سخته سرغړونه وبلله.
