سوډان – بې ځایه شوي وګړي / تازه حال
ایډي: 8395480
نېټه: د سپتمبر 18، 2024
ځای: سوډان
موده: یوه دقیقه او دیارلس ثانیې
سرچینه: (CGTN)
محدودیتونه: د چینايي وګړو لپاره نه ده
خپور شوی: 2024-09-18 20:53
وروستی سمون: 2024-09-19 00:15
بېجینګ، چین – د سپتمبر 18، 2024 (CCTV) د چینايي وګړو لپاره نه ده
بشپړ خبر
د کډوالۍ نړیوال سازمان یا (IOM) په یوه خپور شوي راپور کې راغلي، چې سوډان د روان د ۲۰۲۴ کال تر سپټمبر میاشتې پورې د څه باندې ۱۰.۸۷ میلیونه داخلي بې ځایه شويو کسانو شاهد و.
د یاد راپور په حواله ویل شوي، چې د تېر ۲۰۲۳ کال د اپرېل میاشتې له ۱۵ مې نېټې راهیسې د دغه هېواد د وسله والو ځواکونو او د چټک ملاتړ نومې ډلې تر منځ په جګړه کې تر اوسه نږدې اته اعشاریه یولس میلیونه سوډانیان بې خایه شوي او له دوه اعشاریه څلور دېرش میلیونو څخه زیات نورو هېوادونو ته کډوال شوي دي.
د راپور له مخې، خرطوم د داخلي بې ځایه شویو تر ټولو لوی نفوس لري، ورپسې جنوبي دارفور او شمالي دارفور دی چې پکې ډېر وګړي دېره دي. د یادونې وړ ده چې د دغو بې ځایه شویو شاوخوا ۵۲ سلنه یې له ۱۸ کلونو کم عمره ماشومان دي.
په سوډان کې د ملګرو ملتونو د ماشومانو د وجهي صندوق (یونیسف) استازی شیلډن یت د سه شنبې په ورځ په یوه بیان کې وویل چې په سوډان کې د پنځو کلونو څخه کم عمره ماشومان د وژونکو ناروغیو لکه کولرا، ملاریا، ډینګي تبې او شري په څېر ناروغیو له لوړ خطر سره مخ دي.
نوموړي د یاد بیان له لارې ویلي، په سوډان کې د سختو بارانونو او سېلابونو له کبله ښايي یادې ناروغۍ په چټکۍ سره خپرې شي چې له امله به په اغېزمنو ایالتونو او سیمو کې د ماشومانو ژوند په جدي توګه خراب کړي.
هغه وویل، روان ناورین په دغه هېواد کې د واکسین کولو په نرخونو کې د پام وړ کمښت او د روانې کورنۍ جګړې له امله د روغتیا، اوبو، روغتیا ساتنې او حفظ الصحې زېربنا له منځه وړې، چې له کبله یې په یاد هېواد کې د ډېری ماشومانو د تغذیې وضعیت نور هم له خطر سره مخ کړی دی.
د یونیسف په وینا، په سوډان کې د واکسین پوښښ د داخلي جګړو څخه دمخه د ۸۵ سلنې څخه شاوخوا ۵۰ سلنې ته راټیټ شوی، او د جګړو په فعالو سیمو کې دا کمښت په اوسط ډول ۳۰ سلنې ته رسېږي.
په ورته مهال د سوډان د روغتیا وزیر هیثم محمد ابراهیم د اګست میاشتې په ۱۷ نېټه په رسمي ډول په هېواد کې د کولرا ناروغۍ د خپرېدو اعلان وکړ.
هغه د کولرا د خپرېدو لامل د چاپېریال د خرابېدو او د روانو جګړو او د ککړو اوبو د کارولو له امله وباله.
د سوډان د روغتيا وزارت وايي، د جولای میاشتې له ۱۵ نېټې څخه د روانې سپټمبر میاشتې تر نیمايي پورې، په هېواد کې د کولرا قضیې په لوړه کچه ثبت شوې دي چې له امله یې تر اوسه نږدې ۳۲۸ کسانو خپل ژوند له لاسه ورکړی دی.
د یادونې وړ ده چې په سوډان کې د روانې جګړې له کبله هم لږ تر لږه ۲۳۰۰۰ کسان وژلي شوي دي.
