د افغانستان د فوټسال ملي لوبډله سبا د چهارشنبې په ورځ په ازبکستان کې د فوټبال د نړۍوال جام سیالیو کې خپله دویمه لوبه له ارجنټاین سره کوي. دغه په زړه پورې لوبه به د ازبکستان په پلازمېنه تاشکند کې د انګولا پر وړاندې د نړۍوال جام د لومړۍ لوبې له ګټلو وروسته وشي. د افغانستان د فوټسال لوبډله په ازبکستان کې د فوټبال د نړۍوال جام په C ګروپ کې د ارجنټاین، انګولا او اوکراین سره په یوه ګروپ کې ده. د فوټسال لوبغاړي دنړۍوال جام لپاره د چمتووالي په موخه له تېرو څو اونیو راهیسې په ټایلنډ کې دوستانه کمپونه درلودل او تمریناتي لوبې او ټورنمنټونه یې وکړل. د ۲۰۲۴ کال د فوټسال نړۍوال جام څو ورځې وړاندې د ازبکستان په تاشکند ښار کې د ۲۴ لوبډلو په ګډون پیل شو چې هرې څلور لوبډلې په شپږ ډله اییزو ګروپونو کې لوبیږي.
