د روغتیا نړیوال سازمان /د پولیو واکسین/غزه
ایډي: 8392413
نېټه: د اګست 28-29، 2024/
ځای: بېلابېل
موده: یوه دقیقه او نهه ثانیې
سرچینه: (CCTV) او (CGTN)
محدودیتونه: ویډيويي صحنې وګورئ
خپور شوی: 2024-08-30 00:28
وروستی سمون: 2024-08-30 02:10
ویډيويي صحنې
د ملګرو ملتونو مرکزي دفتر، نیویارک ښار – نېټه معلومه نه ده (UNTV)
۱- د ملګرو ملتونو مرکزي دفتر ودانۍ
۲- د ملګرو ملتونو بیرغ
بشپړ خبر
د روغتیا نړیوال سازمان د پنجشنبې په ورځ اعلان وکړ چې ملګري ملتونه به د سپټمبر په لومړۍ نېټه په غزه کې د پولیو واکسین کمپاین پیل کړي. دا په داسې حال کې ده چې اسراییل او حماس د واکسین د ترسره کېدو په موقتي اوربند موافقه وکړه.
د فلسطین د اشغال شوې سیمې لپاره د روغتیا نړیوال سازمان استازي ریک پیپرکورن په نیویارک کې د ملګرو ملتونو د مرکزي دفتر په یوه خبري کنفرانس کې د ویډیو لینک له لارې تایید کړه چې د واکسین کمپاین به د سپټمبر په لومړۍ نېټه پیل شي.
نوموړي ویلي، موافقه شوې چې د واکسین کمپاین به په دریو پړاوونو کې ترسره شي، هر یو به درې ورځې دوام وکړي چې دا به د سپتمبر په لومړۍ نېټه په مرکزي غزه کې پیل شي، ورپسې جنوبي غزې ته او په پای کې شمالي غزې ته ورسي.
پیپرکورن زیاته کړې، چې په دې هم موافقه وشوه چې د واکسین د کمپاین په ورځو کې به د اسراییلو له لوري فلسطینانو ته د وتلو امر نه کېږي.
په ورته مهال د ملګرو ملتونو سرمنشي انتونیو ګوترېش په دې وروستیو کې په غزه کې د پولیو د خپرېدو په اړه خبرداری ورکړی، چې په وینا یې په غزه کې اوس ماشومانو ته جدي ګواښ دی، ګوترېش ویلي چې ملګري ملتونه به په غزه کې ۶۴۰۰۰۰ ماشومانو ته چې عمرونه یې د ۱۰ کلونو څخه کم وي د واکسین کولو دوه پړاوه کمپاین پیل کړي چې د پولیو واکسین ۱.۶ میلیون ډوزونه وکارول شي، چې د روغتیا نړیوال سازمان لخوا تصویب شوي دي.
پولیومیلایټس چې عموماً د پولیو په نوم پېژندل کېږي، یوه حاد انتاني ناروغي ده چې د پولیو ویروس له امله رامنځته کېږي، چې په عمده توګه د پنځو کلونو څخه کم عمره ماشومان ژر اغېزمن کوي. دغه ویروس کولی شي په سختو قضیو کې د فلج یا مړینې لامل هم شي چې هېڅ درملنه یې نشته، خو واکسین یې د مخنیوي تر ټولو اغېزمنه او خورا ارزانه لار ده.
د یادونې وړ ده چې د جولای په میاشت کې د غزې په تړانګه کې د پولیو ویروس وموندل شو. د غزې تړانګې روغتیایي چارواکو د تېرې دوشنبې په ورځ د فلسطین په ټولو سیمو کې د پولیو د ناروغي د خپریدو خبر ورکړ.دوی د روغتیا ساتنې او طبي سیسټمونو ته د زیان رسولو لپاره د اسراییل نظامي عملیات تورن کړل چې د ویروس په خپرېدو کې یې مرسته کړې ده.
