د غزې د اوربند خبرې
ایډي: 8390641
نېټه: د اګست 11/10
ځای: بېلابېل
موده: یوه دقیقه او دوه ویشت ثانیې
سرچینه: CCTV
محدودیتونه: د چینایي وګړو لپاره نه ده
خپور شوی: 2024-08-18 19:30
وروستی سمون: 2024-08-18 21:06
ویډيويي صحنې
دوحه، قطر – نېټه معلومه نه ده (CCTV) د چینايي وګړو لپاره نه ده
۱ـ د قطر ملي بیرغ
۲ـ د ودانۍ بېلابېلې صحنې، ونې
بشپړ خبر
د شنبې په ورځ، د حماس یوه جګپوړي چارواکي پر اسراییل تور ولګاوه چې د غزې د اوربند موافقې ته د رسېدو لپاره ترسره کېدونکو ټولو هڅو مخه نیسي.
سمیع ابو زهري په نوم دغه چارواکي په یوه خبرپاڼه کې په اسراییلو نیوکه کړې، چې د اوربند د موافقې د نهايي کولو لپاره ټولو هڅو ته خنډ جوړوي.
ابو زهري د امریکا اداره هم د اسراییل د دریځ په بشپړ ملاتړ تورنه کړه او ادعا یې وکړه چې اسراییل له پخوانیو تړونونو او مادو څخه په شا کېږي. د نوموړي په خبره، واشنګټن هڅه کوي چې په سیمه کې د اسراییل پر ضد د هر ډول اقدام مخه ونیسي.
دغه چارواکي د اوربند موافقې ته د رسېدو احتمال یو “فرېب” وباله او ویې ویل چې موږ د یوه ریښتیني تړون یا خبرو اترو سره نه، بلکې د امریکا د غوښتنو د پلي کېدو سره مخامخ یو.
یاده دې وي چې د پنجشنبې په ورځ، په دوحه کې د اوربند خبرې پیل شوې، خو د جمعې په ورځ بېرته وځنډول شوې.
ټاکل شوې چې دا خبرې به راتلونکې اونۍ کې د مصر پلازمېنه قاهره کې بیا پیل شي.
په ورته وخت کې، د جمعې په ورځ، قطر، متحده ایالاتو او مصر د یوې ګډې خبرپاڼې له لارې وویل چې په دې اونۍ کې په دوحه کې د غزې د اوربند خبرو اترو کې مثبت پرمختګ شوی دی، خو حماس بیا د اوربند خبرو کې پرمختګ رد کړی دی.
په یاده خبرپاڼه کې زیاته شوې چې ښکېلې خواوې به په راتلونکو ورځو کې خپلو هڅو ته دوام ورکړي څو د هوکړه لیک د پلي کېدو جزیات نهايي شي.
که څه هم درې واړه هېوادونه د غزې د شخړې په اړه د حماس او اسراییلو ترمنځ د خبرو اترو زمینه برابره کړې ده، خو لا هم د اوربند د څو پړاوونو سره سره کومې پایلې ته نه دي رسېدلي.
