ایران- /د حماس مشر مړینه/ غبرګون
ایډي: 8389888
نېټه: د اګست 11-12، 2024
ځای: ایران
موده: یوه دقیقه او پنځه دېرش ثانیې
سرچینه: (CCTV) او (CGTN)
محدودیتونه: ویډیويي صحنې وګورئ
خپور شوی: 2024-08-12 07:23
وروستی سمون: 2024-08-12 07:27
ویډيويي صحنې
ایران تهران، – د اپرېل 2، 2024 (CCTV) د چینايي وګړو لپاره نه ده
بشپړ خبر
د ایران سپاه پاسداران ځواکونو د یکشنبې په ورځ په پلازمېنه تهران کې د حماس د مشر اسماعیل هنیه وژنه له نړیوالو قوانینو ښکاره سرغړونه بللې او خبرداری یې ورکړی چې اسراییل به په مناسب وخت کې د دې اقدام له پایلو سره مخ شي.
د دغې ډلې ویاند علي محمد نایني دغه څرګندونې د تېرې یکشنبې په ورځ په مرکزي ولایت قم کې د خبریالانو د ملي ورځې په مناسبت جوړو شویو مراسمو کې وکړې.
دغه څرګندونې په داسې حال کې کېږي چې د تېرې جولای میاشتې په ۳۱ مه نېټه د حماس د سیاسي دفتر مشر اسماعیل هنیه په تهران کې د ایران د نوي ټاکل شوي ولسمشر مسعود پزشکیان د لوړې په مراسمو کې له ګډون څو ساعته وروسته په تهران کې د اسراییلو په عملیاتو کې ووژل شو.
د ایران د غبرګون په اړه د زیاتېدونکو اټکلونو په ترڅ کې، د ایران رسمي خبري اژانس د یکشنبې په ورځ راپور ورکړ چې سپاه پاسداران ځواکونه د دغه هېواد په لوېدیځو برخو کې یو لړ پوځي تمرینات ترسره کوي چې ټاکل شوې تر نن پورې دوام وکړي.
په ورته وخت کې اسراییلي رسنیو د دوشنبې په ورځ په یو بیان کې وویل، چې د اسراییلو وروستي استخباراتي معلومات ښیي چې ایران غواړي د روانې اونۍ په پای کې ممکن د پنجشنبې څخه مخکې یو لوی برید وکړي.
اېخوا په لبنان کې هم تاوتریخوالی د جولای میاشتې په ۳۰مه نېټه د بیروت په جنوبي ښارګوټي باندې د اسراییلو له برید وروسته لوړ شوی چې د یاد برید په پایله کې د حزب الله جګپوړي پوځي قوماندان فواد شکور او اووه نور غړي ووژل شول. په ځواب کې یې د حزب الله عمومي منشي حسن نصرالله د یوه پرېکنده او اغېزناک غچ اخیستنې ژمنه کړې ده.
وروسته له هغه چې اسراییلو د یکشنبې په ورځ د لبنان په سویل کې د حزب الله دوه نور غړي په یو برید کې ووژل، حزب الله د دوشنبې په سهار د اسراییلو په شمال کې پر یوې پوځي اډې د کاتیوشا څو راکټونه وویشتل.
له برید وروسته اسراییلي رسنیو راپور ورکړ، چې اسراییلي ځواکونو هغه ځایونه په نښه کړي چې له لبنان څخه پرې وروستي راکټي بریدونه پیل شوي وو.
په سیمه کې زیاتېدونکی کړکېچ امریکا دې ته وهڅوله چې خپل پوځي حضور زیات کړي. پنټاګون منځني ختیځ ته د ابراهام لېنکن الوتکې وړونکې برید ډلې د استولو لړۍ ګړندۍ کړې او سیمې ته یې د جورجیا اټومي اوبتل ځواک هم لېږلی دی.
