د یمن ډله ییز مارچ/فلسطین
ایډي: 8389665
نېټه: د اګست 8، 2024
ځای: یمن
موده: دوه دقیقې او اووه ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-08-11 05:23
وروستی سمون: 2024-08-11 05:27
ویډيويي صحنې
یمن صنعا، – اګست 8، 2024 (CGTN) د چینايي وګړو لپاره نه ده
۱ـ د حوثي ډلې مشر عبدالمالک الحوثي د ویډیوکال له لارې د وینا پر مهال
۲ـ بېلابېل لاریونونه روان دي، لاریون کوونکي چې بینرونه یې په لاس کې دي، شعارونه ورکول
بشپړ خبر
د یمن په پلازمېنه صنعا او نورو ولایتونو کې د لاریونونو څپې پراخې شوې دي. پرون شنبه په زرګونو کسانو د فلسطین له خلکو سره د پیوستون او د هغوی د روانو کړاوونو په ځواب کې د خپل حکومت د پوځي اقدام ملاتړ څرګند کړ.
حوثي چارواکو د جولای په میاشت کې وروسته له هغه د سخت غبرګون ژمنه وکړه چې اسراییلي پوځ د یمن په لوېدیځ کې الحدیده بندر بمبار کړ.
حوثي یاغیانو د غچ اخیستونکي برید لپاره د “مقاومت محور” سره په همغږۍ خپل پلانونه اعلان کړي. دا ډله اوس مهال د حماس د سیاسي دفتر د مشر اسماعیل هنیه او د حزب الله د یوه قوماندان فواد شاکر د وژنې په غبرګون کې د ډله ییز غچ اخیستنې لپاره چمتووالی نیسي.
د حوثي ډلې مشر عبدالمالک الحوثي په خپله اونيزه وينا کې اسرایيلو ته د قطعي پوځي ځواب ورکولو ژمنه کړې ده او ويلي يې دي چې د اسرایيلو حکومت پوهېږي چې يو عکس العمل حتمي دی. او دا چې اسراییل د متحده ایالاتو او نورو غربي او عربي هېوادونو په ملاتړ د حوثیانو برید ته چمتووالی نیسي. نوموړي یې په ځواب کې ويلي، چې حوثي یاغیان به له هېڅ ډول ګواښ او فشار څخه ونه وېرېږي.
هغه ویلي دي چې د الحدیده په بندر کې د تېلو په ټانکونو باندې د اسراییلو د برید په وړاندې ښکاره ځواب یقیني دی او د خدای په خوښه ډېر ژر به وشي. نوموړی زیاتوي، چې د مقاومت د محور لخوا ځواب کې ځنډ یوازې یوه ستراتیژي ده چې د اسراییلو د چمتووالي په وړاندې د مقابلې اغزناک ډاډ ترلاسه کولو لپاره ډیزاین شوی دی.
ډېری خلک د حماس د هغې پرېکړې ملاتړ کوي چې د اسماعیل هنیه پر ځای یحیی سنور د خپل نوي سیاسي مشر په توګه وټاکي. اعتراض کوونکي په دې باور دي چې دا بدلون به د اسراییلو هڅې وننګوي او دغه راز به د هغوی پلانونه کمزوري کړي.
د یادونې وړ ده چې د تېرې پنجشنبې په ورځ د الحدیده ولایت په بېلابېلو سیمو کې پنځه هوایي بریدونه وشول. له یادو بریدونو وروسته اعتراض کوونکي یې په ځواب کې په سور سمندرګي، د عدن په خلیج او د باب المندب تنګي ستراتیژیکه سیمه کې پر امریکايي او برېټانوي کښتیو د بریدونو د زیاتوالي غوښتنه وکړه.
شنونکي وايي، په یمن کې روان لاریونونه چې د ۲۰۲۳ کال د اکتوبر په میاشت کې پیل شوي، د فلسطیني ولس قوي ملاتړ څرګندوي. اعتراض کوونکي ټینګار کوي چې تر هغو به خپلو لاریونونو ته دوام ورکړي څو چې اسراییل په غزه کې خپله جګړه پای ته ونه رسوي.
