هسپانیه – د تودوخې څپې
ایډي: 8388700
نېټه: د اګست 2، 2024
ځای: هسپانیه
موده: یوه دقیقه او نهه ویشت ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 2024-08-03 11:07
وروستی سمون: 2024-08-03 11:11
ویډيويي صحنې
هسپانیه- مادرید، – د اګست 2، 2024 (CCTV) د چینايي وګړو لپاره نه ده
۱ـ ګڼ شمېر خلک د ځان خوندي ساتلو هڅې کوي
۲ـ د باغبان جوس بېلابېلې صحنې د کارکولو پر مهال
۳ـ غږ (هسپانوي) باغبان جوز
۴ـ ګڼ پیاده خلک له خولۍ او لمر ضد عینکو سره
بشپړ خبر
هسپانیه هېواد دا مهال د تودوخې له سختې څپې سره مخ ده، چې د تودوخې درجه یې هره ورځ د سانتي ګراد په کچه ۴۰ درجو ته رسېږي. د پلازمېنې مادرید په ګډون ډېری سیمې د تودوخې څپې له جدي وضعیتونو سره مخ دي.
د دغه هېواد د هوا پېژندنې اداره (AEMET) خبرداری ورکوي چې د تودوخې جدي خبرداری د پام وړ هوا خطرونه په ګوته کوي، چې ښايي ځینې ورځني فعالیتونه له ستونزو سره مخ کړي.
په هسپانیه کې د سختې څپې په اړه یو تن باغوان جوز وویل، چې موږ باغ لرونکي باید خپلو بوټو ته پاملرنه وکړو ځکه چې د تودوخې لوړه درجه کولی شي په اسانۍ سره د دوی په وده باندې منفي اغېزه وکړي. دغه راز موږ باید د لمر څخه هم ځان وساتو، په ځانګړې توګه د ورځې په شدیده توده موده کې.
د مادرید یو اوسېدونکی میګویل وايي مخکې له دې چې زه ویده شم زه اکثره وخت باید هره شپه له ویده کېدو دمخه درې ځله حمام وکړم. که نه نو زه ډېرې خولې کوم چې له امله یې بیا خوب نه شم کولی.
د مارکوس په نوم یو بل اوسېدونکي وویل، چې د ډېرو خلکو لپاره، سږنی دوبی خورا ستونزمن دی ځکه چې ډېری کورنۍ ایر کنډیشنر او ځینې حتی د هوا کولر هم نلري.
د یادونې وړ ده چې د هسپانیې د روغتیا وزارت د دوبي په پیل کې د تودوخې څپې د مخنیوي پلان وړاندې کړ چې هدف یې په خلکو باندې د شدیدې تودوخې روغتیا اغېزې کمول، او دغه راز د تودوخې اړوند ناروغیو او تلفاتو کمول ښودل شوي دي.
