ایډي: 8388125
نېټه: د جولای 30، 2024
ځای: بېجینګ
موده: یوه دقیقه او نولس ثانیې
سرچینه: (CCTV)
محدودیتونه: د چینايي وګړو لپآره نه ده
خپور شوی: 2024-07-30 11:20
وروستی سمون: 2024-07-30 11:24
ویډیويي صحنې
بېجینګ، چین – د جولای 30، 2024 (CCTV) د چینايي وګړو لپاره نه ده
۱ـ مطبوعاتي کنفرانس
۲ـ خبریالان
۳ـ د چين د بهرنيو چارو وزارت وياند لين جيان
۴ـ ګڼ خبریالان
بشپړ خبر
د سينهوا اژانس د خبر له مخې، د چين د بهرنيو چارو وزارت وياند لين جيان د سې شنبې په ورځ د چين په اړه د بين الپارلماني اتحاد (IPAC) سخته غندنه وکړه او دغه ډله يې د چين په کورنيو چارو کې په لاسوهنې تورنه کړه.
نوموړي په پلازمېنه بېجينګ کې په يوه مطبوعاتي کنفرانس کې د تايپي په ښار کې د پارلماني اتحاد (IPAC) د کنفرانس په اړه د رسنيو د یوې پوښتنې په ځواب کې وویل، چې د چين په اړه د پارلماني اتحاد یا ای پک (IPAC) تل د چين په اړه دروغ او ګنګوسې خپروي او هېڅ اعتبار نه لري. هغه پر دې ټينګار وکړ چې يوازې يو چين دی او تايوان يې نه بېلېدونکې برخه ده. هغه زیاته کړه چې د تایوان مسئله یوازې د چین داخلي موضوع ده او باید د هېڅ بهرني ځواک لخوا په کې مداخله ونه شي.چين د تايوان د چارواکو او هغو هېوادونو ترمنځ چې له چين سره ډيپلوماتيکې اړيکې لري، له هر ډول رسمي تعامل سره سخت مخالفت کوي.
لين د پارلمان له اړوندو غړو څخه وغوښتل، چې خپل ايډيولوژيکي خصومت پرېږدي، دغه راز د تايوان مسئلې څخه د چين په کورنيو چارو کې لاسوهنه بنده کړي او د دواړو هېوادونو د اړيکو د ښه کولو لپاره دې د زيانونو پر ځای لا زيات ګډ کار وکړي.
