د متحده ایالات – بایډن / ولسمشر
ایډي : 8386865
نېټه: د جولای 22/21، 2024
ځای: متحده ایالات- چین
موده: یوه دقیقه او پنځلس ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 22-07-2024 17:12
وروستی سمون: 2024-07-22 17:50
ویډيويي صحنې
چین بېجینګ – د جولای 22، 2024 (CCTV) د چینايي وګړو لپاره نه ده
۱- انځور د متحده ایالاتو د ولسمشر جو بایډن څرګندونې ښیي چې د ولسمشرۍ له سیالۍ څخه د وتلو اراده اعلانوي
۲ـ انځورونه د متحده ایالاتو مرستیاله ولسمشره کماله هاریس څرګندونې ښیي
متحده ایالات واشنګټن ډي سي – د مارچ 14، 2020 (CCTV) د چینايي وګړو لپاره نه ده
۳ـ د پلازمېنې بېلابېلې ودانۍ، د متحده ایالاتو ملي بیرغ
بشپړ خبر
د متحده ایالاتو ولسمشر جو بایډن د یکشنبې په ورځ اعلان وکړ چې د ولسمشرۍ له سیالۍ څخه د وتلو نیت لري، وروسته له دې چې یو زیات شمېر ډیموکراتانو د تېرې میاشتې په وروستیو کې د یوه متنازع بحث وروسته د هغه د انتخاب د وړتیا په اړه اندېښنه څرګنده کړه.
بایډن په یوه بیان کې چې په اېکس پاڼه خپور شو وویل:
“که څه هم زما اراده د بیا ټاکنو لپاره وه، زه باور لرم چې دا د ګوند او هېواد په ګټه ده چې زه له سیالۍ څخه وځم او د خپلې دورې پاتې موده کې یوازې خپلې دندې ته پاملرنه وکړم.”
هغه یادونه وکړه چې په دې اونۍ کې به د خپلې پرېکړې په اړه له هېوادوالو سره په تفصیل لا نورې خبرې وکړي.
بایډن په بل پوسټ کې وویل چې غواړي خپل بشپړ ملاتړ او تایید خپلې مرستیالې کماله هارس ته د ډیموکراتیک ګوند د نوماند په توګه وړاندې کړي.
ده زیاته کړه: “ډیموکراتانو – دا وخت دی چې یوځای شو او ټرمپ ته ماتې ورکړو. راځئ چې دا چاره وکړو.”
اغلې هارس د یکشنبې په ورځ په یوه بیان کې وویل چې د ولسمشر تایید ترلاسه کول د هغې لپاره ویاړ دی او د هغې اراده دا ده چې نومانده شي ا ټاکنې وګټي. هغې وویل چې د ډیموکراتیک ګوند د یو موټي کولو لپاره به خپل ټول وس وکاروي څو ډونالډ ټرمپ او د هغه د “۲۰۲۵افراطي پروژې ” ته ماتې ورکړي.
د بایډن د دې اعلان او پرېکړې په اړه د څو اونیو اټکل یقیني شو، ځکه داسې راپورونه و چې مخکښو ډیموکراتانو لکه پخواني ولسمشر باراک اوباما، د ولسي جرګې مخکنۍ مشرې نانسي پلوسي، او د سنا اکثریتو مشر چک شومر، هغه ته د ګوښه کېدو غوښتنه کړې وه.
یو برحال ولسمشر او احتمالي نوماند په دې وروستیو کې له سیالۍ څخه هېڅکله نه دی په شا شوی. د بایډن پرېکړه د هغه د کمپاین د بحران جديت په ګوته کوي چې د پخواني ولسمشر ډونالډ ټرمپ سره د بحث وروسته ورسره مخ شو، چا چې د پنجشنبې په ورځ د جمهوريپالو نوماندي رسماً ومنله.
د بایډن له اعلان وروسته، ټرمپ په یوه پوسټ کې وویل چې بایډن “له پیله د خدمت وړ نه و.”
د ریل کلییر پالیتیکس د تازه نظر پوښتنو په اساس، ټرمپ په ټولو مهمو مبارزاتي ایالتونو کې د بایډن په وړاندې مخکښ دی، لکه د مهمو سوینګ ایالتونو ویسکانسن، مشیګان او پنسلوانیا په شمول.
