افغانستان- شدید باران/مرګ ژوبله
ای ډي: 8386241
نېټه: د جولای 16، 2024
ځای: افغانستان
موده: دوه دقیقې او شپږ دیرش ثانیې
سرچینه: (CGTN)
محدودیتونه: د چینايي وګړو لپاره نه ده
خپور شوی: 2024-07-18 04:57
وروستی سمون: 2024-07-18 06:37
ویډيويي صحنې
افغانستان ننګرهار ولایت، – د جولای ۱۶، ۲۰۲۴ (CGTN) د چینايي وګړو لپاره نه ده
۱ـ د ړنګ شوی دیوال صحنه
۲ـ د انګړ دننه بېلابېلې برخې
۳ـ چرګ په انګړ کې صحنه
۴ـ غږ (پښتو) اوسیدونکی رحمان ګل،
۵ـ ویجاړه شوې ودانۍ
۶ـ په خټو ولاړ خلک
۷ـ ګڼې نړیدلې ودانۍ، اوسیدونکي
بشپړ خبر
په دې وروستیو کې د افغانستان په ختیځ کې سختو بارانونو لږ تر لږه ۴۷ کسان وژلي او د سختو طوفانونو له کبله برېښنايي مزي پرې شوي او سلګونه کورونه یې ویجاړ کړي دي. د معلوماتو له مخې د افغانستان په ختیځ ننګرهار ولایت کې د پراخو سیلابونو، سختو بارانونو او زیانمنونکو بادونو له امله د وژل شویو کسانو شمیرد لوړېدو په حال کې دی. په تیرو څو لسیزو کې جګړو او بیا اوس طبعي افتونو دغه خلک سخت زیانمن کړي دي او له بې ثباتۍ څخه رنځ وړي دي. رحمان ګل چې د ننګرهار ولایت د سرخرود ولسوالۍ اوسېدونکی دی. د وروستیو سیلابونو له کبله یې مېرمن، لور او اینګور ټپیان شوي دي. رحمان ګل په يوه کرايي کور کې اوسېده او ددغه سیلابونو له کبله یې کور هم ویجاړ شوی دی. نوموړی وايي، چې دی اوکورنۍ یې خوشحاله دي، چې له دې طبیعي پیښو څخه ژوندي پاتې شوي دي. د رحمان ګل په خبره، چې طوفان په ریښتیا سره ډير زورور و او یو په یو په اسمان کې تورې وریځې پیدا شوې او هوا خرابه شوه.ماشومانو او ټولو خلکو چغې وهلي. رحمان اوس مهال بې روزګاره ده او له ډېرو ستونزو سره مخ دی. د نوموړي تر ټولو لویه اندیښنه یې د خپلې کورنۍ د ورځنیو لګښتونو لاسته راوړل دي. بل خوا د ننګرهار ولايت د خوګياڼو ولسوالۍ په مستي خېلو کلي کې د تېرې اوونۍ د باران او باد له امله تر سلو ډېر کورونه ويجاړ شوي دي. په دغه ولسوالۍ کې د قربانیانو له ډلې د نعمت الله د کورنۍ اووه غړي د کور د چت د لویدو په پیښه کې وژل شوي دي او دوه تنه نور سخت ټپیان شوي دي. ددې کورنۍ یو بل غړی عزت الله خان وايي، چې د کورنۍ پر غړو یې د چت لویدو له کبله اووه تنه وژل شوي، چې په دې کې یې مشر زوی، د هغه میرمنه، څلور لورانې او یو زوی خپل ژوند له لاسه ورکړی دی او دوه نورې نجونې سخته ټپیانې دي. د ننګرهار ولايت په یادو سیمو کې د سیلابونو او سختو بادونو له کبله بریښنا او مخابراتو سیسټم هم ګډوډ شوي دي. په دغه سیمو کې تر ډيره خلک په کرنه بوخت ول او ددې سیلابونو له کبله یې کرنیزې ځمکې سیلاب وړې دي او سخت مالي زیانونه ورته رسېدلي دي. یو ځايي کروندګر رییس خان وايي، چې ما په خپله پنځلس جريبه ځمکه کې بینډۍ، لوبیا او پنبه کرلې وه، چې دې طبعې پېښو له امله په بشپړه توګه له منځه تللې دي او هيڅ هم نه دې ورته پاتې شوي. د یادونې وړ ده، چې دوه میاشتې وړاندې په ننګرهار ولایت کې سیلابونو ډيری کورنۍ بې کوره کړې وي او له سختو ستونزو سره مخ وي. اوس ددغه پیښو قربانیان وايي، چې د کورنو د بیارغونې لپاره پیسې نه لري او په یو سخت حالت کې ژوند کوي. دوی له نړیواله مرستندویه بنسټونو او سیمه ییزو چارواکو څخه د مرستې او لاسنوي غوښتنه کوي.
