د غزې تړانګه – شخړه / مرګ ژوبله
ایډي: 8384212
نېټه: د جولای 3، 2024/وروستی
ځای: نور
موده: یوه دقیقه او ۳۶ ثانیې
سرچینه: (CGTN)
محدودیتونه: د چینایي وګړو لپاره نه دی
خپور شوی: 2024-07-03 17:41
وروستی سمون: 2024-07-03 20:10
ویډیویي صحنې
د غزې تړانګه – د جون 28، 2024 (CGTN) د چینايي وګړو لپاره نه ده
۱ـ د سګرټ څکولو صحنه، ودانۍ
۲ـ ګڼ شمېر خلک له سیمې د وتلو پر مهال
۳ـ زیانمن شوی ګاونډی
بشپړ خبر
په فلسطین کې روغتیايي چارواکو د چهارشنبې په ورځ وویل، چې په تېرو ۲۴ ساعتونو کې د اسراییلو په روانو بریدونو کې ۲۸ فلسطینیان وژل شوي او ۱۲۵ نور ټپیان شوي دي، چې په دې سره د غزې په خونړۍ جګړه کې د فلسطینیانو د وژل شویو شمېر۳۷۹۵۳ او د ټپیانو شمېر ۸۷۲۶۶ کسانو ته رسېدلی دی.
د فلسطین رسمي خبري اژانس وفا او فلسطیني ټلویزیون د چهارشنبې په ورځ خبر ورکړ چې د اسراییلو پوځ د غزې تړانګې په شمال کې د غزې ښار، په مرکز کې د نصیرات د کډوالو کمپ او په جنوب کې د رفح په ګډون د غزې تړانګې پر څو سیمو هوايي بریدونه او بمبارۍ وکړې.
د (WAFA) اژانس د خبر له مخې، په یادو بریدونو کې لږ تر لږه ۳۸ کسان وژل شوي او ګڼ نور ټپیان شوي دي. خو اسراییلي لوري تر اوسه په دې اړه کوم غبرګون نه دی ښودلی.
په ورته وخت کې د اسلامي مقاومت غورځنګ (حماس) وسله والې څانګې القسام د چهارشنبې په ورځ ویلي چې دوی تېره ورځ د غزې په ښار او رفح کې له اسراییلي ځواکونو سره جګړې ته دوام ورکړی. او د شجاعیه په ګاونډ کې د القسام کنډکونو او د اسراییلو د قوماندې په پوسته هوايي بریدونه کړي دي دغه راز یې په رفح ښار کې د راکټونو په واسطه دوه اسراییلي ټانکونه هم له منځه وړي دي.
د اسراییلو دفاعي ځواکونو (IDF) د چهارشنبې په ورځ د یوې اعلامیې په خپرولو سره اعلان وکړ چې اسراییلي ځواکونو د غزې تړانګې په ډېرو ځایونو کې پوځي عملیات کړي دي.
د اسراییلو دفاعي ځواکونو دغه راز ویلي، چې د غزې ښار په ختیځ کې د شجاعیه په سیمه کې د اسراییلو جنګي الوتکو تر ۵۰ زیات هدفونه په نښه کړي چې په ترڅ کې یې هغه تونلونه موندلي چې د فلسطین وسله والو ډلو لخوا په زیاته اندازه وسلې او تجهیزات لپاره کارول کېدو، د اسراییلو پوځ دا هم تایید کړې، چې تېره ورځ يې یو اسراییلي قومندان د الشجاعیه په سیمه کې په عملیاتو وژل شوی دی.
د غزې تړانګې په مرکزي او جنوبي رفح ښار کې د اسراییلو ځواکونو په روانو عملیاتو کې د فلسطیني وسله والو یو شمېر سیمې ویجاړې کړې او یو شمېر وسله وال یې وژلي دي.
د اسراییلو د لومړي وزیر دفتر د چهارشنبې په ورځ په یوه بیان کې ويلي چې اسراییل د حماس د یوې موافقې وړاندیز ته د غزې په جګړه کې د اوربند او د یرغمل شویو خوشې کولو په اړه د ځواب په اړه غوره کوي.
حماس هم په همدې ورځ تایید کړه چې دوی په غزه کې د اوربند په اړه له منځګړو سره ځینې نوي نظرونه تبادله کړي دي.
