د سویلي کوریا د بېټرۍ جوړولو فابریکه / مرګژوبله
ایډي: 8382851
نېټه: د جون 24، 2024
ځای: د کوریا جمهوریت
موده: ۴۵ ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 25-06-2024 18:19
وروستی سمون: 2024-06-25 19:22
ویډيويي صحنې
د کوریا جمهوریت – د جون 24، 2024 (CCTV) د چینايي وګړو لپاره نه ده
۱ـ ګڼ شمېر اور وژونکي، د اور وژنې ماشینونه
۲ـ د ویجاړې شوې ودانۍ بېلابېلې برخې
۳ـ ګڼ شمېر ژغورونکي، د اور وژنې ماشینونه، سوځېدلې ودانۍ
بشپړ خبر
د سویلي کوریا د اور وژنې ادارې چارواکو د دوشنبې په ورځ وویل، چې د دغه هېواد د پلازمېنې سیول په جنوب کې د لیتیم بېټرۍ جوړولو په یوه فابریکه کې د اور لګېدو له امله ۱۷چینایي وګړي وژل شوي، خو لا هم د وژل شویو کسانو کره شمېرې نشته او پلټنې پسې روانې دي.
د سویلي کوریا چارواکو په شمول د ګي يونګ ولايت د والي دوهم مرستيال اوه هو سيوک، د هو سينګ ښاروال جينګ ميونګ جيون او د اور وژنې ادارې چارواکو په جنوبي کوريا کې د چين سفير شينګ هايمينګ ته د پېښې او د لټون او ژغورنې د هڅو په اړه معلومات ورکړي دي.
چارواکو ویلي، چې په دې پېښه کې ۲۲ کسانو خپل ژوند له لاسه ورکړی دی، دغه راز د يوه چينايي وګړي په ګډون اته تنه ټپيان شوي چې اوس مهال تر درملنې لاندې دي. په سیمه کې اور وژونکي لاهم د ورکو شويو کسانو په لټه کې دي.
سویلي کوریا په دغه پېښه کې د چينايي اتباعو په مرګ ژوبله ژوره خواشيني څرګنده کړې او ویلي یې چې له چين سره به د ژغورنې او ساتنې لپاره ګړندۍ هڅې وکړي.
په ورته مهال د چین سفیر ښاغلي شینګ له جنوبي کوريا څخه وغوښتل چې ژر تر ژره د دې پېښې لاملونه معلوم کړي، او له پېښې وروسته دې له چينايي زیانمن شویو کورنيو سره هر ډول لازمې مرستې وکړي.
نوموړي د پېښې په ځای کې رسنيو ته وويلي، چې د چين سفارت له جنوبي کوريا سره په ګډه کار کوي چې له پېښې وروسته د مقابلې لپاره تر ټولو غوره هڅې وکړي، ښاغلي سفیر زیاته کړه چې د سویلي کوريا سوداګر له دې څخه زده کړه وکړي او د ورته پېښو مخنيوی دې وکړي او هم د هلته دې د چينايانو امنيت تامين کړي.
