د چین د ورېښمو لارې اونۍ / نندارتون
ایډي: 8382633
نېټه: د جون 19، 2024
ځای: چین
موده: یوه دقیقه او اوه ثانيې
سرچینه: (CCTV)
محدودیتونه: د چینايي وګړو لپاره نه ده
خپور شوی: 24-06-2024 04:27
وروستی سمون: 24-06-2024 04:32
ویډیويي صحنې
۱ـ لیدونکي د نندارتون تالار ته د ننوتلو پر مهال
۲ـ د نندارتون په تالار کې ګڼ شمېر لیدونکي
۳ـ بېلابېل نندارتونونه
۴ـ په نندارتون کې ګڼ شمېر لیدونکي
۵ـ د نندارتون تالار داخلي برخه
بشپړ خبر
د چين د ورېښمو ملي موزيم د ژي جيانګ ولايت په هانګ ژو ښار کې د ۲۰۲۴ کال د ورېښمو د لارې د اونۍ د ځانګړي نندارتون په ترڅ کې د تانګ امپراتورۍ (۶۱۸-۹۰۷ عیسوي پورې) اثار نندارې ته وړاندې کوي.
د سږ کال د ورېښمو د لارې اونۍ، چې موضوع یې د سړکونو نښلول او د تمدن غوړېدل دي، د جون له ۱۹ نېټې څخه تر ۲۴مې پورې ټاکل شوې ده. په دې جشن کې بېلابېل فعالیتونه او دوه نندارتونونه چې یو یې اسماني ماڼۍ، او بل یې په اتلسمه پېړۍ کې لیون، شامل دي.
د یادونې ده چې چنګان سیمه د تانګ امپراتورۍ پلازمېنه وه چې اوس د چين په شمال لوېديځ کې د شان شي ولايت ژیان ښار نومول شوې ده. د چانګ آن – تيان شان دهلېز د دغې تاريخي سوداګريزې لارې يوه مهمه برخه ده چې په ٢٠١٤ کال کې د چين، قزاقستان او قرغزستان د ګډ وړاندیز له لارې د يونيسکو د نړيوال ميراث په ليست کې شامله شوه.
دغه راز د چين د ورېښمو ملي موزيم د ورېښمو د تاريخي لارې په اوږدو کې د موزيمونو او سازمانونو لپاره د کلتوري تبادلې د مرکز په توګه هم کار کوي.
د لسمې کلیزې د نمانځلو لپاره، په موزیم کې د (اسماني ماڼۍ) نندارتون له ۲۱۰ څخه ډېر کلتوري اثار نندارې ته وړاندې کوي. دا د چانګ آن تيان شان دهليز په اوږدو کې له ۱۱ موزيمونو او د ژي جيانګ ولايت له اوو موزيمونو څخه اخيستل شوي دي چې په کې له ۵۰ څخه زياتې ملي خزانې شاملې دي.
دغه ځانګړي هنري اثار د زر کاله پخوا کيسې بیانوي، چې د تانګ امپراتورۍ د هوساینې په جریان کې د چنګ ان د تنوع او ټول شمولیت څرګندونه کوي.
دا د یادونې وړ ده، چې (اسماني ماڼۍ) نندارتون د جون له ۱۹ نېټې څخه د اکتوبر تر ۷ اومې نېټې پورې دوام کوي.
