د پاکستان- اقتصادي دهليز (CPEC) رسمي
ایډي: 8382561
نیټه: 21 جون، 2024
ځای: پاکستان
موده: ۴۷ ثانیې
سرچینه: د چین نړیوال تلویزیون شبکه (CGTN)
محدودیتونه: د چینايي وګړو لپاره نه ده
خپور شوی: 23-06-2024 06:17
وروستی سمون: 2024-06-23 06:21
ويډیويي صحنې
پاکستان اسلاماباد – 21 جون، 2024 (CGTN) د چینايي وګړو لپاره نه ده
۱ـ غونډه روانه ده
۲ـ د پاکستان لومړی وزیر شهباز شریف د خبرو کولو پر مهال
۳ـ د چين د کمونېست ګوند د مرکزي کمېټې د نړيوالې څانګې مشر ليو جيان چاو په غونډه کې
۴ـ په لیدنه کې د دواړو خواوو د بېلابېلو چارواکو ګډون
بشپړ خبر
د چين د کمونېست ګوند د مرکزي کمېټې د نړيوالې څانګې مشر ليو جیان چاو د جون له ٢٠مې نېټې څخه د جون تر ٢٢مې نېټې پورې د چين د کمونېست ګوند له يوه پلاوي سره مل د پاکستان څخه ليدنه وکړه.
ليو جيان چاو د دغه سفر په ترڅ کې د پاکستان د مسلم ليګ ګوند له مشر او لومړي وزير شهباز شريف، مرستيال لومړي وزير او د بهرنيو چارو وزير اسحاق ډار او د پوځ له مشر عاصم منير سره وکتل. همدارنګه هغه په پاکستان کې د بېلابېلو ټولنیزو سکتورونو له استازو سره هم خبرې اترې وکړې.
د یادونې وړ ده چې دغه چینایي چارواکي د چين او پاکستان د سياسي ګوندونو په فورم او د چين او پاکستان د اقتصادي دهليز (CPEC) د سياسي ګوندونو د ګډ مشورتي ميکانيزم په درېيمه غونډه کې ګډون او وينا وکړه.
په یاده لیدنه کې دواړو خواوو موافقه وکړه چې چين او پاکستان تل ستراتيژيک همکاران دي او د دواړو هېوادونو دوستي نه ماتېدونکې ده.
همدارنګه دوی موافقه کړې چې د دواړو هېوادونو د مشرانو تر منځ د نوې اجماع په پلي کولو، د ګوندونو ترمنځ د تبادلې د پياوړتيا، د ښې حکومتولۍ د تجربو په اړه د متقابلو زده کړو، د لوړ کيفيت لرونکي ګډ اقتصادي دهلېز جوړښت او د دواړو هېوادونو لخوا د ګډې ټولنې راتلونکي ته کار وکړي.
