د چین-بېجینګ نړیوال کتاب نندارتون/ مصنوعي ځیرکتیا
ایډي: 8382145
نېټه: د جون 19، 2024
ځای: چین
موده: یوه دقیقه او درې ثانیې
سرچینه: (CGTN)
محدودیتونه: د چینايي وګړو لپاره نه ده
خپور شوی: 2024-06-20 08:01
وروستی سمون: 2024-06-20 09:13
ویډیويي صحنې
بېجینګ، چین – د جون 19، 2024 (CGTN) د چینايي وګړو لپاره نه ده
۱ـ بورډ د بېجینګ د ۳۰م نړیوال کتاب نندارتون په نښه کوي
۲ـ د کتاب په نندارتون کې لیدونکي
۳ـ د ۲۰۲۴ کال پوب ټک(PubTech)کنفرانس روان ده، ګډون کوونکي
۴ـ د کتاب په نندارتون کې لیدونکي
۵ـ د کتاب په نندارتون کې د لیدونکو فعالیتونه
بشپړ خبر
د بېجينګ د کتاب ۳۰م نړيوال نندارتون د چهارشنبې په ورځ د چین په پلازمېنه بېجینګ کې پرانیستل شو چې د چاپ د صنعت د غوړېدو سربېره د مصنوعي ځیرکتیا پر رول هم د پام وړ تمرکز یادونه اړینه وبلل شوه.
د یاد نندارتون تنظیم کوونکو په وینا سږ کال به دغه نندارتون د پنځو ورځو لپاره دوام وکړي، چې پکې د ۷۱ هېوادونو او سیمو څخه شاوخوا ۱۶۰۰ نندارچیان چې له هغې ډلې خپروونکي، چاپخونې، د ډیجیټلي رسنیو ماهرین، او مصرف کوونکي او هم څه د پاسه ۲۰۰۰۰۰کسان راټول شي او دغه راز د چین او نورو هېوادونو څخه به نږدې ۲۲۰۰۰۰ کتابونه نندارې ته وړاندې کړل شي.
په دې نندارتون کې یوه د پام وړ موضوع دا ده چې څنګ مصنوعې ځیرکتیا کولای شي چې د چاپ صنعت په وده او لا غوړېدنه کې مهم رول ولوبولی شي.
د دې نندارتون ترڅنګ، د چين د ملي خپرونو د وارداتو او صادراتو ګروپ په همدغه ورځ د مصنوعې ځیرکیتا په نامه کنفرانس جوړ کړ. ویناوالو د پرمختللې ټېکنالوژۍ کارولو په اړه خبرې وکړې څو څېړونکو سره د ژبې لوی ماډلونه په لاره واچوي او د AI په کارولو سره دوی ته ځانګړي پوهنیز خدمات وړاندې کړي. کنفرانس د ټېکنالوژۍ کارولو په اړه یو راپور هم شریک کړ څو ډاډ ترلاسه شي چې اکاډمیک معلومات په خوندي ډول د بېلابېلو هېوادونو ترمنځ شریک کېږي.
د یادونې وړ ده چې د بېجينګ نړيوال کتاب نندارتون چې په ١٩٨٦ کال کې تاسیس شوی، د نړۍ د کتابونو يو له سترو نندارتونونو څخه دی او د چاپ د کتابونو او رسنیزو چارو په شمول د چين او بهر څخه د خپرونو د سوداګرۍ د اسانتيا لپاره د چاپ حق د تبادلې لپاره د يو مهم پلاټفورم په توګه کار کوي.
