د شل اوریز نړیوال جام سیالیو په لړ کې نن درې لوبې ترسره کیږي. لومړۍ لوبه په سي ګروپ کې سهار ۵ بجې د ویسټ اینډیز او نیوزیلنډ لوبډلو ترمنځ پیل شوې ده. دویمه لوبه د افغانستان په وخت ماښام ۷ بجې په ډي ګروپ کې د بنګلهدېش او نیدرلنډ ترمنځ ده. همداراز د انګلستان او عمان ترمنځ لوبه د افغانستان په وخت د شپې په ۱۱ نیمې بجې پیلېږي. د یادولو وړ ده، چې سبا به د افغان کرکټ لوبډله هم له پاپونیوګینې سره مخامخ شي. افغان لوبډلې تر دې وړاندې یوګنډا او نیوزیلنډ په لوی توپیر مات کړي او تر دې دمه نه یوازې د خپل ګروپ د جدول په سر کې ځای لري؛ بلکې د لوړو نمرو په درلودلو سره تر ټولو لوړ ځای لري.
