د هسپانیه – فلسطین دولت / ملاتړ
ایډي: 8379023
نېټه: د مې 28، 2024
ځای: هسپانیه
موده: یوه دقیقه او لس ثانیې
سرچینه: (CCTV)
محدودیتونه: د چینايي وګړ لپاره نه ده
خپور شوی: 29-05-2024 19:40
وروستی سمون: 29-05-2024 19:44
ويډيويي صحنې
هسپانیه- مادرید – د مې 28، 2024 (CCTV) د چینايي وګړ لپاره نه ده
۱ـ د تګ راتګ بېلابېلې صحنې ترافیک
۲ـ غږ (هسپانوي) ځایي اوسېدونکی (نوم نه دی ورکړل شوی)
موږ د منځني ختیځ د اوسني وضعیت په اړه د رسنیو له لارې پوه شوو چې د غزې تړانګه له جګړې او ویجاړۍ سره مخ ده. دا د زغملو وړ نه ده. د هسپانیې حکومت پرېکړه کولی شي په منځني ختیځ کې د سولې په راوستلو کې مرسته وکړي. زما په اند دا سمه پرېکړه ده.
۳ـ غږ (هسپانوي) ځایي اوسېدونکی (نوم نه دی ورکړل شوی):
زما لپاره دا یوه ډېره ښه پرېکړه ښکاري چې د غزې په تړانګه کې به د سولې په راوستلو کې مرسته وکړي. اسراییل هلته نسل وژنه کوي. دا رسمیت به په اسراییلو فشار راوړي او د جګړې د بندولو لپاره ډېره ښه لار ده.
۴ـ د تګ راتګ بېلابېلې صحنې ترافیک
بشپړ خبر
په پلازمېنه مادرید کې د هسپانوي وګړو د خپل حکومت د هغې پرېکړې ملاتړ وکړ چې فلسطین د یوه خپلواک دولت په توګه په رسمیت پېژني. دوی په دې باور دي چې دا اقدام به د غزې په جګړه ځپلې سیمه کې د سولې په راوستلو کې مرسته وکړي.
د هسپانیې د لومړي وزیر پیدرو سانچیز په مشرۍ د کابینې په غونډه کې تر تصویب وروسته هسپانیې د سې شنبې په ورځ په رسمي ډول یو خپلواک فلسطیني دولت په رسمیت وپېژانده.
د هسپانیې د بهرنیو چارو وزیر جوز مانویل الباریس یوې خبري غونډې ته وویل، «موږ رسمیت پېژندنه ځکه منلې چې دا د فلسطین د خلکو لپاره عادلانه اقدام دی او د اسراییلو د امنیت او په سیمه کې د سولې د تامین لپاره یوازینۍ لار ده.»
د هسپانیې په پلازمېنه مادرید کې مونکلوا نومې ماڼۍ کې تر غونډې مخکې لومړي وزیر سانچیز وویل چې د فلسطین د رسمیت پېژندلو پرېکړه تاریخي ده او موخه یې یوازې د سولې په برخه کې د اسراییلو او فلسطینیانو سره مرسته کول دي.
په مادرید کې یوه ځایي اوسېدونکی وايي، موږ د منځني ختیځ د اوسني وضعیت په اړه له رسنیو خبر شوي یو چې د غزې تړانګه د جګړې او ویجاړۍ سره مخ ده. دا د زغملو وړ نه ده. د هسپانیې پرېکړه کولی شي په منځني ختیځ کې د سولې په راوستلو کې مرسته وکړي. زه فکر کوم چې دا سمه پرېکړه ده.
یو بل اوسېدونکي د هسپانیې د پرېکړې کلک ملاتړ څرګند کړ او دا یې د غزې په تړانګه کې سولې ته د رسېدو لپاره یو مثبت ګام وباله. دوی هغه څه وغندل چې دوی په سیمه کې یې د اسراییلو لخوا نسل وژنه بولي او باور لري چې د فلسطین په رسمېت پېژندل به پر اسراییلو فشار راوړي او د جګړې په پای ته رسولو کې به مرسته وکړي.
د یادونې وړ ده چې هسپانیه یو له هغو درېیو لوېدیځو اروپایي هېوادونو څخه ده چې د ایرلنډ او ناروې سره یوځای د سې شنبې په ورځ په رسمي توګه د فلسطین دولت په رسمیت وپېژانده، او یو ګډ اقدام یې وټاکه چې په غزه کې د حماس پر وړاندې د جګړې له امله اسراییل منزوي کوي.
