د کابل ښاروالۍ پر خپله اېکس پاڼه لیکلي، چې د دولسمې ناحیې اړوند په احمدشاه بابا مېنه کې د ۱۳م، ۱۴م، ۱۵م او ۱۶م بلاک ترمنځ د نښلوونکي سړک د جوړولو چارې چې، د ځینو لاملونو له امله ځنډېدلې وې، د کابل ښاروالۍ د کار، ساتنې او مراقبت ریاست له خوا بیاځلې پیل شوې دي. د کابل ښاروالۍ د مسوولینو په خبره دغه سړک ۲۸۶۰ متره اوږدوالى او ۴۰ متره سور لري، چې، د لښتیو، پلولارو، د بايسکل چلولو کرښو او نورو جزئياتو په ګډون به د روان کال په بهیر کې بشپړ شي. مسوولین وایي، د دغه سړک ١٢٠٠ متره برخه قیر ته چمتو شوې او د پاتې نورو برخو د جوړولو چارې یې روانې دي.
