مختلف-غزه/اسرایل/ICJ حکم
ایډي: 8378442
نېټه: د مې 24/16/14/13، 2024
ځای: بېلابېل ځایونه
موده: یوه دقیقه او پنځه ویشت ثانیې
سرچینه: (CCTV)
محدودیتونه: د چینايي وګړو لپاره نه ده
خپور شوی: 25-05-2024 10:48
وروستی سمون: 2024-05-25 10:52
ویډيويي صحنې
هاګ، – د مې 16، 2024 (CCTV) د چینايي وګړو لپاره نه ده
۱ـ د سولې ماڼۍ بېلابېلې برخې، د ملګرو ملتونو بیرغ، لیدونکي
د غزې تړانګه د غزې ښار – د مې 13، 2024 (CCTV) د چینايي وګړو لپاره نه ده
۲ـ له سیمې څخه ګڼ تور لوګي پورته کېږي، پیاده، چلوونکي
۳ـ امبولانس د چلولو پر مهال
۴ـ ګڼ ملکي خلک د ژړا پر مهال
۵ـ سړی ټپي، هلک لېږدوي
د غزې تړانګه – د مې 14، 2024 (CCTV) د چینايي وګړو لپاره نه ده
۶ـ ډېری ماشومان خواړو ته د ترلاسه کولو لپاره په کتار کې انتظار کوي
۷ـ خېمې
بشپړ خبر
د عدالت نړیوالې محکمې (ICJ) چې د ملګرو ملتونو یو مهم رکن دی د جمعې په ورځ اسراییلو ته امر وکړ چې په رفح کې خپل پوځي عملیات سمدستي ودروي.
د محکمې مشر قاضي نواف سلام د هالېنډ هېواد هاګ ښار د سولې په ماڼۍ کې وویل، بشري وضعیت اوس ناوړه دی په تېره بیا حالت د جنورۍ له ۲۶مې او د مارچ له ۲۸مې د وروستیو حکمونو راهیسې ډېر خراب شوی دی.
سربېره پر دې، یادې محکمې غوښتنه وکړه چې اسراییل د حقیقت موندونکو او د ملګرو ملتونو اړوند څېړونکو ته اجازه ورکړي چې د نسل وژنې تورونه وڅېړي او احتمالي شواهد راغونډ کړي.
دغه راز د یادې محکمې قاضیانو زیاته کړه چې اسراییل باید د یوې میاشتې په دننه کې د محکمې د حکم د پلي کولو لپاره د ټولو اقداماتو راپور محکمې ته وړاندې کړي.
د یادونې وړ ده چې سویلي افریقا د مې په ۱۰مه د عدالت نړیوالې محکمې څخه وغوښتل چې د غزې په تړانګه کې د نسل وژنې جرمونو د مخنیوي او مجازاتو کنوانسیون د پلي کولو په اړه د اسراییلو په وړاندې د موقتي اقداماتو د سمون په اړه پرېکړه صادره کړي.
د جنوري په ۲۶، ۲۰۲۴ کال کې، محکمې پرېکړه وکړه چې اسراییل باید څو اقدامات ترسره کړي؛ لومړی د نسل وژنې مخه ونیسي، ډاډ ترلاسه کړي چې د دوی اردو به نسل وژنه نه کوي، دویم د فلسطینیانو په وړاندې د کرکې هڅول دې ودروي همدارنګه شواهد دې خوندي کړي، او سمدستي بشري مرستې دې چمتو کړي.
دا د سویلي افریقا لخوا د ۲۰۲۳ کال د دسمبر په ۲۹ نېټه د عدالت نړیوالې محکمې ته د سویلي افریقا لخوا وړاندې شوې قضیه وه.
له هغې وروسته، سویلي افریقا د په فبروري او مارچ کې د اضافي لنډمهاله اقداماتو لپاره ورته غوښتنې وکړې. د پایلې په توګه، د عدالت نړیوالې محکمې د مارچ په ۲۸ اسراییلو ته امر وکړ چې هر هغه څه وکړي چې د غزې په تړانګه کې د فلسطین خلکو ته د اساسي مرستو رسولو ډاډ ترلاسه کولو لپاره اړین وي.
سلام د جمعې په ورځ په یوه مطلب کې وویل ، چې په رفح ښارکې د څو اونیو بمباریو له کبله سل زره فلسطینیانو ته د مې په شپږمه د وتلو امر شوی و، خو په پایله کې د مې په ۱۸ نږدې ۸۰۰۰۰۰ خلک ایستل شوي، دغه راز د اسراییلو پوځي عملیات لا هم روان دي او د نویو وتلو لامل شوي دي.
همدارنګه نوموړي د جمعې په ورځ په وروستي حکم کې وویل: د محکمې په نظر، د مارچ د ۲۸م حکم په بشپړ ډول د وضعیت بدلون ته اشاره نه لري. نو اصلاحي اقداماتو ته اړتیا وه.
یاده دې وې چې د مې په ۱۶مه او۱۷مه نېټه، محکمې په اوسنۍ قضیه کې یوه عامه استماعیه ترسره کړه، چې دواړو خواوو ته یې د خپل موقف د څرګندولو فرصت درلود.
بل خوا په هالنډ کې د سویلي افریقا سفیر ووسیموزي مدونسلا ویلي، هېواد یې د فلسطیني وګړو د دوامدارې تباهۍ له امله د غزې په تړانګه کې د ۳۵۰۰۰ څخه د زیاتو مړینو او پراخو زیانونو له امله بېرته محکمې په اعتراض اړ شوی دی.
په ورته مهال کې بیا د اسراییلو د عدلیې وزارت یوه چارواکي، ګیلاد ، قاضیانو ته وویل چې اسراییل د خپل ځان د ساتنې لپاره په یوه “ناوړه جګړه” کې ښکېل شوی او دغه راز د جنوبي افریقا د نسل وژنې تورونه یې رد کړيد دي.
د فلسطین روغتیایي چارواکو د پنجشنبې په ورځ په یوه خبرپاڼه کې وویل چې په غزې تړانګه کې د اسراییلو د روانو بریدونو له امله د وژل شویو فلسطینیانو شمېر ۳۵ زره او ۸۰۰ ته رسېدلی دی.
