د غزې تړانګه – شخړه / مرګ ژوبله
ای ډي: 8376573
نېټه: د مې 12/6/1، 2024
ځای: نور
موده: یوه دقیقه او نهه دېرش ثانیې
سرچینه: (CCTV) او (CGTN)
محدودیتونه: ویډيويي صحنې وګورئ
خپور شوی: 2024-05-13 06:45
وروستی سمون: 2024-05-13 06:49
ویډيويي صحنې
د غزې تړانګه، د رفح ښار، – وروستی (CGTN) د چینايي وګړو لپاره نه ده
۱ـ د موټرونو، د خرو د ګاډو په واسطه د بې ځایه شویو بېلابېل ډولونه
۲ـ ګڼ بې ځایه شوي خلک د سړک په غاړه ناست دي
۳ـ یوه نجلۍ کڅوړه په لاس کې نیولې ده
د غزې تړانګه، د رفح ښار، – د مې 6، 2024 (CGTN) د چینايي وګړو لپاره نه ده
۴ـ اسراییلي ټانکونه د ونو تر شا یوځای کیدولو پر مهال
۵ـ د لوګي بېلا بېل ډولونه
د غزې تړانګه، د رفح ښار، – د مې 6، 2024 (CCTV) د چینايي وګړو لپاره نه ده
۶ـ بې ځایه شوي خلک د تیښتې دمخه د سامانونو بسته کولو پر مهال
۷ـ بې ځایه شوي خلک په موټرو د سامانونه اچولو پر مهال
۸ـ بې ځایه شوي خلک د تیښتې دمخه د سامانونو بسته کولو پر مهال
د غزې تړانګه – د مې 1، 2024 (د چینايي وګړو لپاره نه ده / د پلور لپاره نه دی)
۹ـ ویجاړې شوې ودانۍ، فاضله اوبه
۱۰ـ بېلا بېلې خیمې، اوسیدونکي، کثافات
۱۱ـ د اوبو د ترلاسه کولو په انتظار کې ګڼ شمېر خلک؛ ګڼ شمېر ماشومان په سطلونو ناست دي
۱۲ـ خېمې، فاضله مواد
د غزې تړانګه – وروستی (CGTN) د چینايي وګړو لپاره نه ده
۱۳- د ګڼې ګوڼې د روغتون په دهلیز کې د ناروغانو درملنې لپاره بېلابېل طبي کارکوونکي
بشپړ خبر
په غزه کې روغتیايي چارواکو د یکشنبې په ورځ په یوه خپره کړې خبرپاڼه کې ویلي، د غزې په تړانګه کې د اسراییلو په روانو بریدونو کې د وژل شویو فلسطینیانو شمېر له ۳۵ زرو واوښت
په راپور کې ویل شوي، په تېرو ۲۴ ساعتونو کې د اسراییلو پوځ ۶۳ فلسطینیان وژلي او ۱۱۴ نور یې ټپیان کړي دي، چې په دې سره د تېر اکټوبر له میاشتې راهیسې د فلسطینیانو او اسراییلو تر منځ د جګړې له وروستي پړاو راهیسې د وژل شویو شمېر ۳۵۰۰۰ او د ټپیانو شمېر ۷۸۷۵۵ ته رسېدلی دی
دغه راز راپور یادونه کړې چې یو شمېر قربانیان لاهم د خاورو لاندې دي او امبولانس او د ملکي دفاع عملې نشي کولی دوی ته رسيدګي وکړي
همدا شان د یکشنبې په ورځ په نېږدې ختیځ کې د فلسطیني کډوالو لپاره د ملګرو ملتونو د مرستو او کار ادارې (UNRWA) یوه بیانیه خپره کړه او ویې ویل چې په تېره یوه اونۍ کې شاوخوا ۳۰۰ زره کسان د غزې له رفح ښاره تښتېدلي دي
د اسراییلو حکومت د اجباري وتلو چارې ته دوام ورکوي، او د رفح خلک تېښتې ته اړ کوي ځکه چې دوی د خپلو نظامي عملیاتو ګړندي کولو ته تیاری نیسي. د غزې ډېری اوسېدونکي لا دمخه څو ځلې بې ځایه شوي دي، دغه راز ځینې کورنۍ باید په میاشتنۍ توګه د خپلې اوسېدو سیمې پرېږدي. د خان یونس ښار په څېر د غزې سویلي ښارونو ته په رسېدو سره، دوی وموندل چې د نظامي عملیاتو په جریان کې ځایي پناهځایونه ویجاړ شوي او دوی خوندي ځایونه نلري
د ملګرو ملتونو د مرستو او کار ادارې (UNRWA) لخوا په بیان کې ټینګار شوی چې د “خوندي زون” په اړه د اسراییلو د پوځ ادعا ناسمه او ګمراه کوونکې ده
د یادونې وړ ده چې له یو میلیون څخه ډېر بې ځایه شوي فلسطینیان په رفح کې د پناه په لټه کې دي، چېرې چې د اړتیا وړ توکو لکه اوبو، خوراکي توکو او طبي پاملرنې کمبود له امله سخت بشري بحران رامنځته شوی. اوس مهال ښار د نوي راتلونکي بحران په څنډه کې دی
بل خوا د اسراییلو دفاعي ځواکونو (IDF) د شنبې په ورځ اعلان وکړ چې دوی د غزې د جنوبي ښار رفح په ګډون په مختلفو ځایونو کې په لسګونو پوځي تاسیساتو باندې هوايي بریدونه کړي چې د فلسطیني وسله والو ډلو پورې اړه لري
دغه ځواکونو دا هم ویلي چې په دې وروستیو اونیو کې، د حماس وسله والو د غزې په شمال کې د جبالیا په سیمه کې بیا ځای پرځای شوي، چې په دې سیمه کې د اسراییلو لخوا نوي پوځي عملیات هڅوي
په ورته وخت کې د راپورونو له مخې فلسطيني وسله والو ډلو له اسرائيلو سره نښتو ته دوام ورکړی او په همدې ورځ يې د رفح ښار په شمول په جنوبي سيمو د اسرائيلو پر لور راکټي بريدونه پيل کړل
د یادولو وړ ده چې د اسراییلو وروستي اقدامات او کړنې په لوېدیځ کې د ناخوښۍ لامل شوې دي
دغه راز د امریکا ولسمشر جوبایډن ویلي، که اسرائیل د رفح په نوم پوځي عملیات پیل کړي، امریکا به ورته وسلې نه ورکوي
د بایډن ادارې د تېرې جمعې په ورځ وویل، داسې کره شواهد شته چې ښيي اسراییل د ملکي وګړو د ساتنې نړیوال قوانین تر پښو لاندې کړي دي
په ورته مهال د اروپايي کمیسیون مشر چارلس میشل هم له اسراییلو غوښتي چې په رفح ښار کې دې پوځي عملیات ونه کړي. میشل د شنبې په ورځ په ایکس پاڼه کې لیکلي: په رفح کې ناامنه سیمو ته د ملکي وګړو د ایستلو امرونه د منلو وړ نه دي
د جرمني لومړي وزیر اولاف شولتز د شنبې په ورځ وویل چې که اسراییل دا کار وکړي، په رفح باندې ځمکنی برید به غیر مسؤلانه وي او د ملکي خلکو د مرګ ژوبلې سبب به شي. د جرمني مشر په یوه ویب پاڼه کې ویلي چې د اسراییلو له لومړي وزیر بنیامین نتنیاهو سره یې په دې اړه خپل نظر شریک کړی دی
