د غزې تړانګه – شخړه، مرګ ژوبله
ایډي: 8374558
نېټه: د اپریل 28، 2024
ځای: نور ځایونه
موده: یوه دقیقه او دوه څلوېښت ثانيې
سرچینه: (CCTV) او (CGTN)
محدودیتونه: د چینايي وګړو لپاره نه ده
خپور شوی: 30-04-2024 02:19
وروستی سمون: 30-04-2024 05:52
ویډیويي صحنې
د غزې تړانګه – وروستی (CGTN) د چینايي وګړو لپاره نه ده
۱ـ ګڼ شمېر ویجاړې شوې ودانۍ، کثافات، په سړک کې اوسېدونکي
۲ـ فلسطیني اوسېدونکي د کنډوالو په منځ کې ناست دي
۳ـ د کثافاتو د راټولولو بېلا بېلې چارې، اوسېدونکي
۴ـ ویجاړه شوې ودانۍ، کثافات، په سړک کې اوسېدونکي
۵ـ په روغتون کې ګڼ ټپیان
۶ـ بېلا بېلې خېمې، بې ځایه شوي خلک
۷ـ په کوڅو کې بېلا بېل پیاده تګ او راتګ، مارکیټ
بشپړ خبر
د حماس ډلې روغتیا وزارت د یکشنبې په ورځ وویل چې د غزې په تړانګه کې د اسراییلو د روانو بریدونو له امله د وژل شویو فلسطینیانو شمېر ۳۴۴۵۴ تنو ته رسېدلی دی.
دغه وزارت په یوه خبرپاڼه کې ویلي، چې د اسراییلو پوځ په تېرو ۲۴ ساعتونو کې ۶۶ فلسطینیان وژلي او ۱۳۸ نور یې ټپیان کړي دي، چې له دې سره د تېر کال له اکټوبر میاشتې راهیسې د اسراییلو او حماس تر منځ د جګړې له پیل راهیسې د وژل شویو شمېر ۳۴۴۵۴ او د ټپیانو شمېر ۷۷۵۷۵ ته رسېدلی دی.
د ګڼو فلسطیني رسنیو د راپور له مخې، اسراییلو د یکشنبې له شپې څخه تر دوشنبې سهار پورې د غزې په جنوبي ښار رفح باندې هوايي بریدونه کړي، چې له امله یې لږ تر لږه ۲۰ تنه وژل شوي او ګڼ نور ټپیان شوي دي.
د یادولو وړ ده چې دا بریدونه په قاهره کې د حماس د مشرانو او مصري منځګړو ترمنځ د اوربند د خبرو له نوي پړاو مخکې په داسې حال کې شوي چې د دوشنبې په ورځ د حماس یو پلاوی قاهرې ته ځي.
د غزې د جګړې له پیله تر ۲۰۰ زیاتې ورځې تېرې شوې دي چې په دې سره د اسراییلو بریدونو زېربناوو ته ډله ییز زیان او په سیمه کې یو جدي بشري ناورین رامنځته کړی دی.
په ورته وخت کې د فلسطین د ټرانسپورټ او مخابراتو وزیر طارق ضُراب د یکشنبې په ورځ د لوېدیځې غاړې په رام الله ښار کې د فلسطیني دولت په یوه غونډه کې د راپور ورکولو پر مهال اټکل وکړ چې د غزې د ټرانسپورټ او مخابراتو په برخو کې د روان کړکېچ له امله زیانونه له درې میلیاردو ډالرو څخه اوښتي دي.
