په یوه برید کې درې پاکستاني عسکر وژل شوي دي. پاکستاني رسنۍ وایي چې د خیبر پښتونخوا د کورمې په خرلاچي سیمه کې پر پاکستاني عسکرو برید شوی دی او درې عسکر پکې وژل شوي دي. د پاکستان حکومت هم پېښه تاییدوي خو وایي چې دا برید له افغان خاورې پر پاکستاني عسکرو شوی دی. تر اوسه ددې برید مسوولیت چا نه دی منلی خو په وروستیو کې د پاکستاني طالبانو غورځنګ او بلوڅ بېلتونپالو لخوا پر پاکستاني عسکرو بریدونه ډېر شوي چې هره ورځ ګڼو پاکستاني عسکرو ته مرګ ژوبله اړوي.
