ایران دوه افغان وګړي اعدام کړي دي. د رسنیو د راپورونو له مخې ایران په خپلو دوو زندانونو میناب او بندر عباس کې د نشه يي توکو د قاچاق له قضیې سره په تړاو اعدام کړي دي. په دې کې یو الله نور نومېده چې ۳۴ کاله یې عمر درلود او دویم کس هم یارمحمد اسحاق زی نومېږي چې ۴۰ کاله عمر لري. ایراني رسنۍ وایي چې یادو دوو افغانانو د نشه يي توکو په قاچاق کې لاس درلود او په ۱۳۹۹ کال کې د ایران په بندرونو کې له نشه يي توکو سره لاس په لاس نیول شوي وو. ایران په نړۍ کې هغه هېواد دی چې د اعدامونو کچه پکې ډېره ده او د نړیوالو قوانینو پر خلاف د نورو هېوادونو طبعه هم په خپل هېواد کې اعداموي.
