د جرمونو نړیواله محکمه غواړي افغانستان کې د جنګي جنایتونو په اړه پلټنه وکړي. سره له دې چې د جرمونو نړیوالې محکمې څو ځله مخکې هم په افغانستان کې د جنګي جنایتونو د پلټلو غوښتنه کړې وه، خو تازه یې یو ځل بیا ویلي چې غواړي په افغانستان کې د نړیوالو ځواکونو د تېر شل کلن حضور پر مهال ټول جنګي جنایتونه وڅېړي. رویټرز وایي دغه محکمې پرېکړه کړې چې ژر په په دې اړه خپله تګلاره واضح کړي او ټوله هڅه يې دا ده چې وکړی شي په افغانستان کې په رښتینې مانا د بهرنیو ځواکونو او جګړې کې د ټولو ښکېلو لورو جنګي جنایتونه وسپړي او په اړه یې پرېکړه وکړي.
